2017-08-21 15:16:56 clouds 27o High | Kigali Rwanda

Dukurikire:
 
 

Urwego rw’Umuvunyi rugiye gukurikirana ibibazo by’abambuwe n’abarwiyitiriye

Yanditswe na IMVAHO NSHYA

Kuya 2016-11-14 14:13:22

 
Share on:
 
Yasuwe:7
 
Yavuzweho:200
 
10
 
10

Urwego rw’Umuvunyi rwagaragaje akababaro rwatewe no kumenya ko hari abarwiyitirira bakaka Abanyarwanda ruswa kandi ari rwo rufite inshingano z’ibanze zo kuyirwanya kimwe n’akarengane mu gihugu.

Uru rwego rwahamagariye abaturarwanda kwima amatwi abiyitirira uru rwego babasaba gutanga ruswa, akenshhi inatangwa binyuze kuti telefoni. Ubu butumwa butanzwe nyuma y’abamaze iminsi basaba amafaranga abaturage biyitirira gukorera uru rwego.
Ku bufatanye na Polisi y’u Rwanda mu minsi ishize hafashwe Rutaganzwa Eric wiyitaga Claude, Ndayisabye Victor wiyitaga Kajangwe, Nizeyimana Florence uzwi kw’izina rya Mamy wiyitaga Aline, Makambo Manasse na Ndayishimiye Joseph wiyitaga KAJANGWE.

Urwego rw’Umuvunyi rurasaba n’uwasabwe cyangwa uwasabwa amafaranga cyangwa amakuru, kubimenyesha Urwego rw’Umuvunyi kugira ngo ibibazo bye bikurikiranwe.

UBURYO BIYITIRIRA URWEGO RW’UMUVUNYI

Bahamagara abayobozi batandukanye barimo abayobozi b’Inzego z’Ibanze, Abapolisi, Abashinjacyaha, Abacamanza n’abandi, bababwira ko ari abakozi b’Urwego rw’Umuvunyi ko bakurikirana dosiye, bakabasaba amakuru yo kwifashisha bahamagara abaturage. Iyo bamaze kubona ayo makuru, bahamagara abaturage bababwira ko ari bo bakurikirana dosiye zabo bakabaka amafaranga (ruswa) ngo bakemurirwe ibibazo.

Bahamagara abaturage biyita amazina y’abakozi b’Urwego rw’Umuvunyi bari mu kazi cyangwa abahoze bahakora, bakabwira abaturage ko bazabafasha mu bibazo byabo; nyuma bakabasaba kubohereza amafaranga banyujije kuri Mobile Money.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE