Advertisement
 
 
 
 
 
 
 
 

Amakuru | Mu Rwanda

Urusenda rwera i Nyamasheke rwabonye isoko ryagutse mu mahanga   

  Yanditswe na BAHUWIYONGERA SYLVESTRE
 3 months ago

 
 

Abaturage bo mu tugari twa Higiro na Mwezi mu karere ka Nyamasheke, barishimira ko bamaze kubona isoko ryo kugemura toni zirenga 300 mu mwaka, mu gihugu cy’u Buhinde n’ibindi bihugu by’i Burayi.

Furaha Pascal, umushoramari ufatanya n’aba bahinzi mu iterambere riturutse ku rusenda, yabwiye Imvaho Nshya ko yiyemeje gufatanya na bo kuko yasanze baratangiye kuruhinga, barakomezanya, bakora ishyirahamwe rigizwe n’amatsinda 17 aruhinga.

Uyu mushoramari avuga ko rwatangiye ‘kubasiga inoti’ kuko batangiye kurwohereza mu mahanga.

JPEG - 389.2 kb
Furaha Pascal (ufite indangururamajwi) yereka abaturage rumwe mu rusenda batangiye kohereza mu mahanga

Yagize ati “Muri iriya mirenge twatangiranye, batangiye kumva ku buryohe bw’idovize riturutse ku rusenda, kuko turufitiye isoko rigari cyane mu Buhinde no mu bihugu by’i Burayi.

Turashaka ko muri Nyamasheke twajya tuhakura toni zirenze 300 mu mwaka, abahinzi bagasabwa kuruhinga ari rwinshi cyane kandi mu buryo bwujuje ubuziranenge, tukazabaha n’amahugurwa y’uburyo rukorerwa ngo rube rwujuje ibyo abarutugurira bakenera.

Abahinzi kandi turanabasaba kurusarura ruhishije neza uko tubyifuza, ahasigaye tukabaha ifaranga bakeneye.”

Furaha avuga kandi ko gutezwa imbere n’urusenda byoroshye cyane muri aka karere, kuko kagira imvura ihagije ituma rwera neza.

Yemeza ko umuturage wejeje urusenda agurirwa ku mafaranga 350, kandi babahaye imbuto zarwo banabasanze hafi yabo, ndetse rwakwera bakaza kurwitwarira ku buryo uwaruhinganye umwete amafaranga ayabona nta zindi ngorane.

Uyu mushoramari umaze imyaka 10 muri iki gikorwa aho yabitangiriye mu turere ka Nyagatare, Ngoma na Kirehe mu ntara y’Uburasirazuba, amaze umwaka umwe gusa muri uyu murenge.

Arateganya no kurugeza mu yindi mirenge y’aka karere, akaba amaze no kurugeza mu mirenge 6 y’akarere ka Rusizi, akabizeza ko uzahinga urusenda uko ruzaba rungana kose ruzabona isoko.

Karekezi Déo, umwe mu bahinzi b’urusenda, yabwiye Imvaho Nshya ko yatangiye aruhinga muri aka kagari ka Higiro bagenzi be bamubona nk’inkorabusa, none ubu yateye imbere ndetse abenshi bamufatiraho urugero rw’uwiteje imbere.

Yagize ati “Nejejwe n’uko abanshaga intege ngo ndi inkorabusa igihe natangiraga kuruhinga ntazi ngo nzarubonera isoko batangiye kubona ko nta mwuga udakiza.

Baranyegereye,tumaze gukora ishyirahamwe rigizwe n’amatsinda 17 riri hafi kuba koperative, tukaba tugiye guhinga rwinshi cyane, igihugu cyose kikazamenya ko uyu murenge wazamuwe n’ubuhinzi bw’urusenda.”

Umuyobozi w’aka karere wungirije ushinzwe iterambere ry’ubukungu, Ntaganira Josué Michel, ashima iyi gahunda, akavuga ko yasuye aba bahinzi agasanga biteguye kuruhinga ku bwinshi, akizeza ko akarere kazakomeza kubashyigikira muri ibi bikorwa bibateza imbere bikanazamura akarere muri rusange.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.