Advertisement
 
 
 
 
 
 
 
 

Amakuru | Mu Rwanda

UNHCR yisobanuye ku modoka yayitiriwe igakora impanuka ipakiye urumogi   

  Yanditswe na Imvaho Nshya
 August 2016

 
 

Ubuyobozi bw’Ishami ry’Umuryango w’Abibumbye ryita ku mpunzi (UNHCR) bwatanze ibisobanuro byimbitse ku modoka yo mu bwoko bwa Toyota Land Cruiser yakoze impanuka kubera umuvuduko urenze igasangwamo ibiro 86 by’urumogi.

Iyo mpanuka yabereye mu kagari ka Kanazi, ho mu murenge wa Ruharambuga mu karere ka Nyamasheke ku itariki 16 Kanama ahagana saa tanu n’igice z’ijoro.

“UNHCR yasobanuye ikibazo mu buryo bukurikira”

Kuwa 17 Kanama 2016, bimwe mu bitangazamakuru byo mu Rwanda byatangaje amakuru atari yo aho byavugaga ko imodoka y’Ishami ry’Umuryango w’Abibumbye wita ku Mpunzi mu [UNHCR] yakoze impanuka mu ijoro ryo kuwa 16 Kanama 2016, Polisi y’Igihugu ikayisangamo ibiyobyabwenge (urumogi).

Ku bw’aya makuru, UNHCR iramenyesha abanyamakuru bose, abagenerwabikorwa ba UNHCR ndetse n’abaturage muri rusange ko iyi modoka ari iya UNHCR, ariko ikaba yaragurijwe umuryango utegamiye Leta AHA (Africa Humanitarian Action), abafatanyabikorwa bashinzwe gutanga serivisi zijyanye no kubungabunga ubuzima mu nkambi y’impunzi ya Kigeme; binyuze mu nguzanyo yitwa “Right of Use Agreement” (Amasezerano y’Uburenganzira bw’Imikoreshereze).

‘Amasezerano y’Uburenganzira bw’Imikoreshereze’ ni uburyo busanzwe bukoreshwa ku bafatanyabikorwa bacu mu gukoresha no kugenzura ibikoresho biri mu nguzanyo, UNHCR ikaba iha abafatanyabikorwa uburenganzira bwo kugenzura imikoreshereze ya buri munsi y’ibyo bikoresho. Ni nayo mpamvu, UNHCR itagenzuraga mu buryo buziguye iyi modoka yakoze impanuka;

AHA yo ikaba yemera uruhare rwayo mu gukoresha no kugenzura iyo modoka yakoze impanuka. Mu gihe iperereza ritararangira, amakuru ahari ni uko iyi modoka yari itwawe n’umukozi wa AHA nta burenganzira abifitiye; akaba yari abeshye ko hakenewe ubutabazi bw’ibanze mu nkambi y’impunzi ya Kigeme.

Mu kwirinda no gukumira ibikorwa nk’ibi, ubusanzwe imodoka za UNHCR hamwe n’izindi zigenerwa abafatanyabikorwa bayo zikoranywe ikoranabuhanga rituma zigenzurwa aho ziri hose [tracking devices]. Gusa iyi modoka yakoze impanuka, ni umwe mu z’ubwoko bwa kera, zitagira ubu buryo butuma zigenzurwa.

Mu gihe UNHCR iri guteganya guhindura bimwe mu bikoresho byayo harimo n’imodoka, turabizeza ko imodoka zose zizaba zifite uburyo butuma zigenzurwa aho ziri hose – ndetse n’izihabwa abafatanyabikorwa bacu.

UNHCR na AHA barimo gukorana hafi na Polisi y’Igihugu ndetse n’izindi nzego zibifitiye ubushobozi mu iperereza kuri iyi modoka yakoze impanuka.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.