2017-07-21 15:15:02 clouds 27o High | Kigali Rwanda

Dukurikire:
 
 

UNESCO yashyikirije Perezida Kagame umudali wo guteza imbere ikoranabuhanga

Yanditswe na IMVAHO NSHYA

Kuya 2017-05-11 07:27:22

 
Share on:
 
Yasuwe:424
 
Yavuzweho:200
 
10
 
10

Ishami Umuryango w’Abibumbye rishinzwe Uburezi, Ubumenyi n’Umuco, UNESCO , ryashyikirije Perezida wa Repubulika y’u Rwanda, Paul Kagame umudari ku wa 10 Gicurasi 2017 mu nama ya Transform Africa 2017.

Umuyobozi wa UNESCO Irina Bokova yavuze ko uwo mudari ari uwo mu rwego rwo kwizihiza isabukuru y’imyaka 70 UNESCO yizihijwe mu 2015, wo gushimira Perezida Kagame kuba yarimakaje ikoranabuhanga kuri bose, uburinganire n’amahoro.

Abinyujije ku rubuga rwa Twitter, Bokova yagize ati “Nishimiye gushyikirizwa umudari wo kwizihiza isabukuru y’imyaka 70 ya UNESCO, ni intangarugero mu guteza imbere ikoranabuhanga kuri bose hagamijwe iterambere, uburinganire n’amahoro.”

JPEG - 125.3 kb
Perezida Kagame ashyikirizwa umudali wa UNESCO

UNESCO yageneye uwo mudali Perezida Kagame muri 2015 mu nama yigaga ku guteza imbere ikoranabuhanga mu burezi.

Umukuru w’Igihugu ashimirwa kuba yarayoboye ingabo zahagaritse Jenoside yakorewe Abatutsi mu 1994, akubaka u Rwanda rwari rutagifite ikizere cyo gutera imbere, none ubu rukaba ari intangarugero mu nzego zitandukanye.

Kuri ubu u Rwanda ruri mu bihugu bitanu bya mbere ku Isi byimitse uburinganire mu nzego zose. Rufatwa kandi nk’igicumbi cy’ikoranabuhanga ku mugabane wa Afurika.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE