2017-05-28 11:19:27 clouds 27o High | Kigali Rwanda

Dukurikire:
 
 

Umwe mu bihangange muri Basketball ku Isi yavuze imyato Perezida Kagame

Yanditswe na IMVAHO NSHYA

Kuya 2016-10-11 10:28:10

 
Share on:
 
Yasuwe:2
 
Yavuzweho:200
 
10
 
10

Obinna Ekezie, Umunyafurika wakiniye amakipe agera kuri atanu muri shampiyona ya Leta Zunze Ubumwe z’Amerika, NBA, ikomeye ku Isi, asanga Perezida Paul Kagame ari intangarugero mu miyoborere myiza muri Afurika.

Ubwo yari mu Rwanda mu mpera z’icyumweru gishize, yavuze ko abona ari igihugu cyiza kandi ko gifite umurongo uganisha ku iterambere. Obinna avuga ko Perezida Paul Kagame ari umuyobozi w’icyitegerezo mu baperezida ba Afurika, ahereye ku bibazo u Rwanda rwanyuzemo ndetse naho rugeze mu iterambere.

Ati “U Rwanda ni rwiza cyane, rufite umurongo mwiza n’amahirwe kuko rufite umuyobozi mwiza. Ku bwanjye, Perezida Paul Kagame ni intangarugero mu bayobozi ba Afurika kubera ubushishozi agira. U Rwanda yararuhinduye, ni igihugu buri muntu wese yumva yakoreramo ishoramari . Rufite umwihariko mu korohereza abashoramari, Kigali yabaye ihuriro ry’inama mpuzamahanga, ibi byose bifasha igihugu gutera imbere ndetse n’amafaranga yinjira akiyongera.”

JPEG - 177.8 kb
Obinna Ekezie avuga ko amahirwe u Rwanda rufite ruyakesha umuyobozi mwiza

Nyuma yo guhagarika gukina Basketball, Obinna yashinze ikigo gikora ubucuruzi bw’ingendo z’indege n’ibindi bijyana na byo cyitwa, Wakanow. Iki kigo gifasha abakora ingendo bifashishije indege kubona amatike, viza, kubona hoteli aho bagiye n’ibindi.

Uyu mugabo yagarutse kuri RwandAir , ngo ayibona nk’imwe muri kompanyi zitwara abantu mu ndege nziza muri Afurika yose, byose akaba abona u Rwanda rubikesha ubuyobozi bwiza.

Mu minsi ya vuba Wakanow izatangira gukorera mu Rwanda, aho izajya ifasha abantu kubona amatike y’indege, viza, hoteli zo gucumbikamo n’ibindi.

Wakanow ni cyo kigo kinini muri Afurika kigurisha serivisi ijyanye no gukoresha indege mu ngendo zinyuranye ku Isi.

Obinna Ekezie yavukiye muri Nigeria, amara imyaka umunani ari umukinnyi wa Basketball wabigize umwuga. Yakiniye amakipe atanu muri shampiyona ya NBA arimo Vancouver Grizzlies, Washington Wizards, Dallas Mavericks, Los Angeles Clippers ndetse na Atlanta Hawks, yanakiniye andi makipe akomeye ku mugabane w’u Burayi, muri Serbia n’u Burusiya.

JPEG - 45.7 kb
Obinna Ekezie ubwo yakinaga muri Atlanta Hawks mu mwaka wa 2005
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE