Advertisement
 
 
 
 
 
 
 
 

Amakuru | Mu Rwanda

Amafoto: Umusirikare wambaye nk’uwa Congo yarashwe asatira ingabo z’u Rwanda   

  Yanditswe na IYAREMYE YVES
 June 2016

 
 

Umusirikare wambaye impuzankano y’ingabo za Repubulika Iharanira Demokarasi ya Congo yarasiwe mu mudugudu wa Rutagara, akagari ka Rukoko mu murenge wa Rubavu, akarere ka Rubavu nyuma yo kwinjira mu birindiro by’ingabo z’u Rwanda mu ijoro ryo ku wa Gatatu ku ya 15 Kamena 2016.

Capt. Nzabirinda Pascal uhagarariye ingabo z’u Rwanda muri ako gace, yavuze ko mu ma saa mbiri z’ijoro uwo musirikare yashatse kwinjira mu birindiro akabonwa na Cpl. Mukeshimana Jean Marie Vianney wari ku burinzi amusaba kumanika amaboko inshuro eshatu undi aranga.

Nzabirinda avuga ko mu rwego rw’ubwirinzi Mukeshimana yamurashe agahita apfa.

Ati” Ubwo hari mu masaha ya saa mbiri z’ijoro umusirikare wambaye imyambaro ya FARDC yinjiye mu birindiro by’u Rwanda arenze umupaka ahaba hahagaze ingabo zacu zirinda umutekano, Caporal JMV Mukeshimana aramubona amusaba kumanika amaboko ubugira gatatu ariko we akomeza kuza amusatira abonye akomeje kumwegera ashyiramo isasu ararimurasa ahita apfa.”

JPEG - 113.9 kb
Ingabo za EJVM zakoze isuzuma ku murambo w’uwo musirikare

Cpl. Mukeshimana yavuze ko yarashe yitabara we ubwe na bagenzi be.

Ati” Nari ku burinzi mbona umusirikare uje ansatira musaba kumanika amaboko bwa mbere nkomeza kabiri, musaba ubwa gatatu mbona akomeje n’umuvuduko anyegera, nshyiramo isasu mu mbunda mbona ntacyo bimubwiye. Kubera nari nabonye ko yambaye imyenda y’ingabo za Congo nahise mbwira bagenzi banjye bari hafi aho ko hari umusirikare unsatiriye nigira inama yo kumurasa ngo nitabare kuko sinari nzi icyo afite.”

Captain Nzabarinda yakomeje avuga ko inshingano zabo ari ukurinda umutekano w’igihugu nta muntu ushobora kwinjira agamije kuwuhungabanya ngo bamwihanganire.

Ingabo za EJVM/MCVE zishinzwe kubungabunga amahoro mu karere k’Ibiyaga Bigari zaje kureba no gushaka amakuru y’urupfu rw’uwo musirikare utari afite ibyangombwa kugira ngo zimenye niba yaba ari uwo mu ngabo za Congo cyangwa ari umwe mu barwanyi ba FDLR. Zavuze ko zabonye ibyabaye igisigaye ari ugutanga raporo muri Loni.

Si ubwa mbere abasirikare ba Repubulika Iharanira Demokarasi ya Congo binjira mu Rwanda. Bamwe mu baherutse barimo uwari yasinze avuga ko atari azi ko yageze ku butaka bw’u Rwanda.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.