Advertisement
 
 
 
 
 
 
 
 

Amakuru | Mu Rwanda

Umusirikare wa FARDC yahungiye mu Rwanda asaba kurenganurwa   

  Yanditswe na IYAREMYE YVES
 5 months ago

 
 

Umusirikari wo mu ngabo za Repubulika Iharanira Demokarasi ya Congo (FARDC) Kaporali Mambo Vert amaze iminsi itatu ahungiye mu Rwanda aho yaje atorotse umuyobozi wabo ashinja kumwambura umushahara n’agahimbazamusyi.

Uyu musirikare yamurikiwe itsinda ry’ubugenzuzi ku bibera ku mipaka y’ibihugu byo mu Karere k’Ibiyaga Bigari (EJMV/Expanded Joint Verification Mechanism) kuri iki cyumweru tariki 26 kamena 2016 ariko aguma mu Rwanda aho avuga ko yizeye ko ruzamufasha mu kumvikanisha ikibazo cye.

Capt Pascal Nzabarinda uyoboye bamwe mu basirikare b’u Rwanda bakorera ku mupaka yatangarije Imvaho Nshya ko uyu musirikare yanyuze ku mupaka uhuza u Rwanda na Congo yirukanka avuga ko ahunze uburyo bubi abayeho mu ngabo z’igihugu cye.

Caporal Mambo Vert (ibumoso) wahunze FARDC ahagararanye na Capt Nzaramba uyoboye Ingabo z'u Rwanda ku mupaka


Ati “Ubwo abasirikare bacu bari ku kazi ku mupaka muto kuwa 24 Kamena 2016 saa moya z’ijoro, babonye yiruka yinjira ahetse ibikapu tumuganirije atubwira ko ahunze kubera kwamburwa no gufatwa nabi n’ingabo zabo.”

Kaporali Mambo Vert yatangarije Ingabo z’u Rwanda n’izitsinda rya EJVM ko amerewe neza cyane kuba ari mu maboko mazima, kandi yizeye ko u Rwanda ruzamufasha kubona uburenganzira bwe.

Yagize ati “Nababajwe n’amafaranga yanjye yajyanwe n’umuyobozi wanjye,ntabwo nshaka kujya mu ngabo z’u Rwanda ahubwo mfite icyizere ko bazamfasha kubona uburenganzira bwanjye no kumfasha gusubira iwacu.”

Col. Philbert Okanzo Umuyobozi wungirije bw’itsinda EJVM avuga ko ibinshi kuri uyu musirikari ari ibanga ry’akazi, ati “Yatubwiye dusanga byaba ibanga turacyabisuzuma tureba icyakorwa."

Birakekwa ko ikibazo cyo gufatwa nabi muri FARDC gishobora kuba kimwe mu byatumye umusirikare warasiwe hafi n’ibirindiro by’Ingabo z’u Rwanda ari byo yahungaga kuko ngo yari amaze iminsi avuga kuri icyo kibazo, ndetse akanabifungirwa.

PNG - 876.7 kb
Caporal Mambo Vert asobanurira Itsinda rya EJVM akarengane bafite mu gisirikare cyabo
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.