Advertisement
 
 
 
 
 
 
 
 

Amakuru | Mu Rwanda

Umuryango wa nyakwigendera Bihozagara wasabye u Rwanda gukorera umubiri we isuzuma   

  Yanditswe na HERVE UGIRUMUKUNDA
 April 2016

 
 

Umuryango wa nyakwigendera Jacques Bihozagara, wahoze ari minisitiri na dipolomate w’u Rwanda agapfira mu Burundi mu buryo budasobanutse, wasabye Leta y’u Rwanda gukorera umubiri we isuzuma hakavanwa urujijo ku cyo yazize.

Ni nyuma y’uko umubiri we ugejejwe mu Rwanda ku mugoroba wo ku wa Kabiri, uvanwe mu Burundi aho yaguye muri gereza ya Mpimba mu cyumweru gishize amaze amezi ane afunzwe.

Nyuma y’urupfu rwa Bihozagara, Leta y’u Rwanda, ibinyujije muri Minisiteri y’Ububanyi n’amahanga, yasabye u Burundi ibisobanuro ku cyihishe y’urupfu rwe rwatunguranye.

JPEG - 94.3 kb
Umufasha wa Nyakwigendera n’umukobwa we baherekeje umubiri we ku Kibuga cy’Indege cya Kanombe (Foto: The New Times)

Umwe mu bo mu muryango we wavuganye n’itangazamakuru ubwo umbiri we wari umaze kururutswa ku kibuga cy’indege mpuzamahanga cya Kanombe, Muligande Eugene, yashimiye Leta y’u Rwanda ku buryo yababaye hafi, anayisaba gukora iperereza.

Ati” Iki ni icyaha cyakorewe umuturage w’u Rwanda, guverinoma ikwiye gushyira imbaraga mu iperereza, iri ni ihonyorwa ry’uburenganzira bwa muntu kandi hakenewe iperereza ryo ku rwego mpuzamahanga.”

Yongeyeho ko nyuma y’urupfu rwa Bihozagara, Leta y’u Burundi yanze gutanga umubiri, igasaba umuryango gushyira umukono ku rwandiko ruhakana ko nta ruhare yagize mu rupfu rwe.

Umuryango wa Bihozagara uvuga ko wabyanze ahubwo ukerekana ko hakenewe ibizamini by’inzobere kandi byizewe byerekana urwo yazize.

Yavuze ko bahise bashyira icyo kibazo mu maboko ya ambasade y’u Burundi kandi ko cyakemuwe neza.

Bihozagara yigeze kuba ambasaderi w’u Rwanda mu Bubiligi no mu Bufaransa, ndetse na Minisitiri wo Gucyura Impunzi . Nyuma yaho yagiye mu Burundi gukora ubucuruzi.

Yatawe muri yombi n’urwego rushinzwe iperereza mu Burundi ku ya 4 Ukuboza 2015 ashinjwa kuba intasi y’u Rwanda.

 

Comments

 
 
Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.