Advertisement
 
 
 
 
 
 
 
 

Amakuru | Mu Rwanda

Umunyamakuru w’Imvaho Nshya yegukanye igihembo gikuru cy’Umurimo   

  Yanditswe na UWIMANA DONATA
 April 2016

 
 

Mugisha Benigne, umunyamakuru w’Imvaho Nshya yegukanye igihembo gikuru kiruta ibindi cyagenewe abanyamakuru bakoze inkuru nziza ku “murimo” cyatanzwe na Minisiteri y’Abakozi ba Leta n’Umurimo.

Mugisha yashyikirijwe icyo gihembo kingana na miliyoni 1 y’amafaranga y’u Rwanda na Minisitiri w’Abakozi ba Leta n’Umurimo Uwizeye Judith, mu muhango wo gusoza inama Nyafurika ku guhanga umurimo yari yahuje ibihugu bitandukanye byo ku mugabane wa Afurika.

JPEG - 172.7 kb
Judith Uwizeye, Minisitiri w’Abakozi ba Leta n’Umurimo(iburyo) ashyikiriza sheki Umunyamakuru Mugisha Benigne Foto (Gisubizo G)

Mu kiganiro n’Imvaho Nshya, uyu munyamakuru yavuze ko kweugukana icyo gihembo byamwongereye imbaraga zo gukomeza gukora neza inkuru zihamagarira abaturage kwitabira no kwihangira imirimo kugira ngo bashobore kwiteza imbere.

Ati “Ni ku nshuro ya mbere, nitabiriye irushanwa kuva nakwinjira mu mwuga w’itangazamakuru ndetse nkanegukana igihembo kiruta ibindi.

Icyanteye umuhati wo kujya mu bahatanira igihembo ni uko nabonye itangazo rihamagarira abanyamakuru gutanga inkuru mu irushanwa zijyanye n’umurimo numva nanjye nagerageza amahirwe yanjye, ntoranya inkuru zigendanye n’ibyo basaba ari byo byampesheje intsinzi”.

Ashishikariza bagenzi be b’abanyamakuru gutinyuka bakitabira amarushanwa nk’ayo.

Igihembo cya kabiri kingana n’amafaranga y’u Rwanda ibihumbi 700 cyegukanywe n’umunyamakuru ukorera radiyo Salus n’aho icya gatatu kingana n’amafaranga ibihumbi 500 gitwarwa n’umunyamakuru w’ikigo RBA.

Bimwe mu byagenderwagaho mu irushanwa ni ukuba inkuru yarashishikarije Abanyarwanda gukunda umurimo no kuba inkuru yaramenyekanishije uburyo butandukanye bwunganira abihangira umurimo.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.