Advertisement
 
 
 
 
 
 
 
 

Amakuru | Mu Rwanda

Umujyi wa Kigali witeze igishushanyombonera cy’ibyapa byamamaza   

  Yanditswe na Gatete Jean Bosco
 2 months ago

 
 

Ubuyobozi bw’Umujyi wa Kigali buratangaza ko bimwe mu byapa byamamaza mu mujyi wa Kigali byatangiye gukurwaho bitewe n’uko bitubahirije amabwiriza arebana n’imicungire yabyo, hakaba hitezwe igishushanyombonera cy’umujyi kigena aho ibyapa bigomba kuba n’imiterere yabyo ijyanye n’igihe.

Umujyi wa Kigali wafashe iki cyemezo nyuma yo kubona ko bamwe muri ba nyir’ibyapa barenze ku mabwiriza ya njyanama y’umujyi wa Kigali yo ku wa 28/12/2012 agena imicungiye yabyo.

Umuyobozi w’umujyi wa Kigali Monique Mukaruliza yabwiye abanyamakuru ko ibyapa byibanzweho ari ibyagaragaraga mu bucucike n’ibindi bishaje ku buryo bitakijyanye n’igishushanyo mbonera n’osuku ikenewe mu mujyi .

Yagize ati “Hari ibyapa bimwe byari bishaje byashoboraga no kugwira abantu, ibindi byasaga nabi byarashishutse, ni yo mpamvu tugiye gushyiraho vuba igishushashanyo mbonera cy’ibyapa.”

Yakomeje avuga ko muri icyo gishushanyo mbonera buri cyapa kizaba gifite uko giteye na metero hagati yacyo n’ikindi kimwe na metero ziri hagati y’umuhanda n’ibyapa.

Ati “Wasangaga ubucucike bwari muri ibyo byapa ubwabyo butanatumaga n’ibyamamajeho bigaragara, ndizera ko gushyiraho uburyo bunoze mu micungire y’ibyapa n’imikoreshereze yabyo bizafasha banyirabyo gukora ubucuruzi bwabo bunguka.”

JPEG - 201 kb
Igishushanyombonera cy’ibyapa byamamaza cyitezweho guca akajagari

Tusubira Charles Umuyobozi Mukuru wungirije w’Ishyirahamwe rya ba nyir’ibyapa mu mujyi wa Kigali yashimganiye ko iki cyemezo kitabatunguye, ati “Ba nyir’ibyapa bari babizi ko bigomba kuvaho ntabwo byabatunguye.”

Ubuyobozi bw’Umujyi burizeza abanyakigali ko buzakomeza guharanira icyarushaho guteza no guha isura nziza Umujyi wa Kigali hubahirizwa igishushanyo mbonera cyawo, kimwe n’igishushanyo mbonera cy’ibyapa kigiye kuza mu minsi ya vuba.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.