2017-09-23 09:22:12 clouds 27o High | Kigali Rwanda

Dukurikire:
 
 

Uko munshaka nanjye niko mbashaka, nzabakorera ibishoboka – Kagame

Yanditswe na IMVAHO NSHYA

Kuya 2017-07-16 05:51:29

 
Share on:
 
Yasuwe:343
 
Yavuzweho:200
 
10
 
10

Umukandida w’Umuryango FPR-Inkotanyi ku mwanya w’Umukuru w’Igihugu, Paul Kagame yabwiye Abanyarwanda ko uko bamushaka na we ariko abashaka, akazabakorera ibishoboka, ibyo bashaka, ariko bafatanyije, bari kumwe.

Umukandida wa FPR-Inkotanyi, Paul Kagame, ibi yabivugiye mu Murenge wa Ndora mu karere ka Gisagara, nyuma yo kwiyamamariza mu karere Nyaruguru.

Yagize ati "Uko munshaka, ni ko mbashaka, ni ko nzabakorera ibyo mwifuza ko mbakorera ariko ntibyashoboka gukorwa tutari kumwe twese. Tugomba kuba turi hamwe, dukorera hamwe, buri wese azana imbaraga ze uko azifite, ubumenyi bwe uko abufite, tukuzuzanya, tukihuta tukagera kure, ni byo twifuza. Nta bwo twagera kure tutari hamwe, nta n’ubwo twakwihuta buri wese adashyizemo imbaraga afite.”

Ku birebana n’ibikorwa remezo ndetse n’ibindi byagezweho, nk’uko yabibasezeranyije, Paul Kagame yagize ati “Ibyo uwamamaza yasobanuye n’ibyo batubwiye mu muvugo, nta bwo ari inkuru mbarirano, ni ukuri, utumva arabona.
Amashanyarazi ntavuga ariko araboneka aranabonesha, ibyo batubwiraga ni ubuhamya buhamya, inzira tumazemo imyaka ishize 23 twubaka u Rwanda rushya, dusana ibyarwo byangiritse twubaka n’ibikorwa bishya.”

Kagame yibukije ko iyo nzira ari yo Abanyarwanda bakwiye gukomeza ku isonga hari FPR kuko n’ubundi ari yo mikorere yayo. Akomeza asobanura ko ibikorwa remezo birimo amashanyarazi n’ibindi byagezweho hagomba kongerwamo ingufu bikagera ku kigero kindi gishimishije kurushaho.

Yakomeje agira ati "Ndashima FPR-Inkotanyi yantanzeho umukandida, ndashimira mwese kuko nzi ko muri intore za FPR-Inkotanyi, ndashimira na bariya bandi na bo bifatanyije na twe ubwo birumvikana ko akazi kazakorwa kazaba kanoze. Amashyaka ya politiki 8 n’ayandi ubwo tugira aho duhurira ni ukwifuriza igihugu ibyiza.”

Akarere ka Gisagara gatuwe n’abaturage basaga ibihumbi 340 kagizwe n’imirenge 13, mu myaka irindwi ishize abaturage bagera ku 7 564 bagabiwe inka muri gahunda ya Girinka yatangijwe na Perezida Paul Kagame, hubatswe amashuri abanza 64, ay’imyuga 9, naho ayisumbuye ni 39 yubatswe.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE