2017-08-21 15:16:56 clouds 27o High | Kigali Rwanda

Dukurikire:
 
 

Ukekwaho kuriganya Leta miliyoni zisaga 454 yakatiwe kuba afunzwe iminsi 30

Yanditswe na IMVAHO NSHYA

Kuya 2016-05-17 13:13:48

 
Share on:
 
Yasuwe:21
 
Yavuzweho:200
 
10
 
10

Umuyobozi wa Kompanyi Top Service Ltd itumiza inyongeramusaruro mu mahanga igashyikirizwa abahinzi mu ntara y’Amajyaruguru n’Uburengerazuba, Mwitende Ladislas yakatiwe gufungwa iminsi 30 n’urukiko rwisumbuye rwa Gasabo ngo atabangamira iperereza.

Mwitende yatawe muri yombi mu ntangiriro z’uku kwezi aza gushyikirizwa Parike itariki eshatu Gicurasi 2016.

Urukiko rwisumbuye rwa Gasabo rwemeje ko Mwitende afungwa iminsi 30 kugira iperereza ku byaha aregwa rikorwe mu bwisanzure. Umushinjacyaha Munyamahoro Faustin yari yabwiye inteko iburanisha urubanza ubwo rwaburanishwaga ku ifungwa n’ifungurwa ko rwafunga Mwitende kugira ngo atabangamira iperereza, adacika ubutabera ndetse ataba yakomeza ibikorwa byo kwiba Leta.

JPEG - 30.9 kb
Mwitende Ladislas

Mwitende Ladislas akehwaho ibyaha byo gucura no gukoresha inyandiko mpimbano agamije kwishyuza Minisiteri y’Ubuhinzi n’Ubworozi (MINAGRI)amafaranga y’Umurengera.

Nk’uko Umuvugizi w’Ubushinjacyaha mu Rwanda yabitangarije Imvaho Nshya ubwo Mwitende yashyikirizwaga ubutabera yavuze ko mu mafaranga Mwitende yari yishyuje hari ayo yari yaramaze guhabwa asaga miliyoni 300 z’amafaranga y’u Rwanda.

Nkusi yagize ati “Yakoresheje inyandiko mpimbano ajya kwishyuza Minagri 454 859 694 Frw. Amaze kwishyurwa 322 520 994 Frw.”

Ibyaha Mwitende aregwa bihanwa n’ingingo ya 609 yo mu gitabo cy’amategeko ahana y’u Rwanda. Iyi ngingo ivuga ko umuntu wese uhimba cyangwa uhindura mu buryo ubwo ari bwo bwose inyandiko, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y‟ingingo zayo, igitegetswe gukorwa cyangwa icyarangije kwemeranywa, ahanishwa igifungo kirenze imyaka itanu kugeza ku myaka n’ihazabu y’amafaranga y’u Rwanda kuva ku 300.000 Frw kugeza kuri 3.000.000 Frw.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE