Advertisement
 
 
 
 
 
 
 
 

Amakuru | Mu Rwanda

Ubutagondwa mu Rwanda buravugutirwa umuti urambye   

  Yanditswe na NTAWITONDA JEAN CLAUDE
 September 2016

 
 

Abayobozi n’abamenyi mu idini ya Islam bahagurukiye gufatanya na Leta kurwanya ikibazo cy’iterabwoba mu Rwanda nyuma y’ingero z’iterabwoba zimaze iminsi zivugwa ku rubyiruko rwiganjemo urwa Islam.

Mu nama yahuje abayobozi n’abamenyi b’idini ya Islam mu karere ka Kicukiro ndetse n’abahagarariye inzego z’umutekano muri aka karere kuri iki cyumweru tariki 4 Nzeri 2016, hagarutswe ku ngamba zafashwe mu gukumira ibikorwa by’iterabwoba n’uruhare rwa buri wese mu kurica burundu.

Bagarutse ku ngero zimaze iminsi zivugwa ku iterabwoba ziganjemo izishingiye ku rubyiruko rwa Islam, bamagana abakomeje kwanduza imyemerere y’idini kubera kwemera inyigisho z’ubuyobe, ubujiji n’ubukene.

JPEG - 173.5 kb
Inzego za Leta, iz’umutekano ndetse n’Umuryango wa Islam mu Rwanda biyemeje ubufatanye mu guhangana n’iterabwoba

Muri izi ngero harimo batatu bishwe barasiwe i Rusizi binavugwa ko bigeze gucumbika muri Kicukiro n’umwe warasiwe i Nyarutarama babanje kurwanya inzego z’umutekano mu kwezi gushize, ndetse na Mohammed Mugemangango warasiwe Kimironko mu ntangiro z’uyu mwaka ubwo yashakaga gutoroka Polisi yarimo kumukoraho iperereza ku gushaka abo yinjiza muri Leta ya Kiyisilamu muri Siriya.

Hari kandi n’Umusirikare w’u Rwanda witwa Rashid warashe bagenzi be muri Centrafrique akica bane na we akaza kuraswa, biza kugaragara ko yabitewe n’ubuhezanguni.

Sheikh Nsengiyumva Suleiman ukuriye Abayisilamu mu karere ka Kicukiro yavuze ko mu ngamba zafashwe harimo gukwiza inyigisho zijyanye n’imyemerere ya nyayo

Yagize ati “Ingamba ya mbere ni ukubanza kwigisha abayisilamu mu musigiti yose kuko ni kimwe mu bitari bihari, ibibazo bihari banabisobanurirwa no kubashishikariza guhanahana amakuru. Ubu twashyizeho gahunda y’ itumanaho rizaduhuza (CUG/Caller User Group) kugira ngo ubonye amakuru wese ajye agerageza guhita ayatanga mu buryo bwihuse.”

Umuyobozi w’Intara (Division) ya Kigali n’Uburasirazuba Maj. Gen Mubarak Muganga, yashimangiye ko Abayisilamu bijandika muri ibi bikorwa basebya ububasha n’umudendezo bahawe mu gihugu.

Yibukije Akayisilamu ko bahagarariwe mu nzego nkuru z’ubuyobozi, mu za gisirikare n’ahandi hose ndetse bakaba baraguriwe amarembo kuri gahunda za Leta nka mituweli, girinka, uburezi kuri bose, n’ibindi.

JPEG - 126.4 kb
Maj. Gen Mubarak Muganga Uyobora Intara ya Kigali y’Uburasirazuba mu bya Gisirikare

Yashishikarije abayisilamu guhindura imyumvire kuko uwanga gahunda za Leta adakunda idini ya Isilam, ndetse ko nta kizabuza Ingabo z’u Rwanda gufatanya n’izindi nzego z’umutekano guhangana n’abazagerageza kwigomeka kuri Leta.

Yagize ati “Umuntu wese urwanya gahunda za Leta aba aduhaye ikiraka nk’abantu bashinzwe umutekano. Abavuga ko barwana Intambara Ntagatifu (Djihad), nashakaga ngo mbarangire aho ziri; Intambara ntagatifu nziza ni ukurwanya ubukene...”

Umuyobozi w’Akarere ka Kicukiro Dr Jeanne Nyirahabimana yashishikarije utundi turere gufatanya mu guhashya imyumvire y’ubuhezanguni ashimangira ko imbaraga zongerewe cyane mu guhangana n’iki kibazo mu karere ka Kicukiro nyuma z’abaketsweho iterabwoba baraciye mu misigiti iri mu karere cyangwa bagakomokamo.

JPEG - 118.4 kb
Urugo rwarasiwemo batatu bakekwaho iterabwoba muri Rusizi
 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.