2017-06-25 11:03:04 clouds 27o High | Kigali Rwanda

Dukurikire:
 
 

U Rwanda rwungutse abapolisi bato 965 basabwa kuba inyangamugayo

Yanditswe na IMVAHO NSHYA

Kuya 2016-06-01 19:01:53

 
Share on:
 
Yasuwe:2
 
Yavuzweho:200
 
10
 
10

Minisitiri w’Umutekano mu gihugu Sheikh Mussa Fazil Harelimana, yasabye abapolisi bashya guharanira kuba inyangamugayo, birinda kwanduza isura nziza Polisi y’u Rwanda ifite mu Rwanda no mu mahanga.

Ubu butumwa Minisitiri w’umutekano mu gihugu yabutangiye mu muhango kwakira abapolisi binjiye mu mwuga, wabereye i Gishari mu karere ka Rwamagana kuwa 1 Kamena 2016. Iki cyiciro ya 12 cy’imyitozo y’abapolisi cyasojwe n’abapolisi 965, barimo abakobwa 228 n’abagabo 737.

Minisitiri Fazil Harelimana yibukije aba bapolisi bashya ko bakwiye kurangwa n’indangagaciro z’ubunyamwuga buvanze n’ubunyangamugayo, bagasigasira isura nziza Polisi y’u Rwanda yubatse ku isi yose.

Yagize ati “Izi mpanuro buri wese winjiye mu kazi arazihabwa, nimuzikomeza muzakora akazi kanyu neza.Izo nshingano ni ubunyarwanda, ubunyangamugayo no kubumbatira ibyagezweho, ukomeza gutera imbere.

Mwirinde kwanduza isura nziza musanze Polisi ifite haba mu Rwanda no mu mahanga.”

Uyu muyobozi yakomeje asaba aba bapolisi kuba intangarugero mu bandi, kuko ngo icyaha kigira uburemere bitewe n’ibintu bitatu ari byo: inyito y’icyaha, ukoze icyaha, hamwe n’ugikorewe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE