Advertisement
 
 
 
 
 
 
 
 

Amakuru | Mu Rwanda

Kigali irakira inama mpuzamahanga ku ruhare rw’abagore mu gucunga umutekano   

  Yanditswe na RNP
 1 week ago

 
 

Umuryango Mpuzamahanga umaze igihe kinini ubonye ko ari ngombwa ko abagore bo mu nzego z’umutekano bashoboye kandi bagira uruhare runini mu bikorwa byo kugarura amahoro no kubungabunga umutekano hirya no hino ku isi. Akanama k’umutekano k’Umuryango w’Abibumbye katoye imyanzuro ndwi ku ruhare rw’abagore mu guharanira amahoro n’umutekano.

Umwanzuro wa 1325 werekeranye n’uruhare rw’abagore bo mu nzego z’umutekano mu kugarura amahoro no kubungabunga umutekano ku Isi wabaye ishingiro ry’indi (Imyanzuro), ukaba waratowe mu mwaka wa 2000. Nyuma yawo hatowe indi myanzuro itandatu ari yo: umwanzuro wa 1820 watowe mu mwaka wa 2008, uwa 1888 watowe mu mwaka w’2009, umwanzuro w’1889 watowe mu mwaka wa 2009, uw’1960 watowe muri 2010, umwanzuro wa 2106 n’uwa 2122 yatowe mu mwaka wa 2013.

Iyi myanzuro isaba ibihugu bigize Umuryango w’Abibumbye gushyiraho uburyo umugore yarushaho kugira uruhare mu bikorwa byo kugarura amahoro no kubungabunga umutekano, ndetse n’uburyo yakomeza gutanga umusanzu mu gukumira no guhosha amakimbirane. Kugira ngo ibi bigerweho Umuryango Mpuzamahanga urasabwa guca ihohoterwa rikorerwa abagore n’abakobwa.

Iyi myanzuro igaragaza kandi ko amahoro arambye ashingiye kuri Politiki nziza, umutekano usesuye, iterambere n’uburenganzira bwa muntu burimo ubushingiye ku buringanire bw’abagore n’abagabo.

N’ubwo bigaragara ko ubwitabire bw’abagore mu guharanira amahoro bwagiye bwiyongera, ubushakashatsi bwakorewe ku bikorwa 31 byo kugarura amahoro hirya no hino ku isi byabaye hagati y’umyaka wa 1992 na 2011 bwerekanye ko gusa 9% by’abahuza b’impande zari zishyamiranye bari abagore, mu gihe 3% bari abasirikare b’igitsinagore mu butumwa bwo kubungabunga amahoro, ariko abenshi muri bo bakaba bari ku rwego rw’abakozi bafasha abandi.

JPEG - 335.9 kb
Perezida wa Repubulika y’u Rwanda Paul Kagame atangiza KICD CPX II, i Kigali muri Kanama 2015

Inzego z’umutekano zo ku Mugabane wa Afurika zemeranyije ndetse zifata ingamba zo gufatanya kurandura no guca burundu ihohoterwa rikorerwa abagore n’abakobwa.

Mu gushyira mu bikorwa ubukangurambaga bw’Ubunyamabanga Bukuru bw’Umuryango w’Abibumbye bwo mu mwaka wa 2008 bwo kurwanya ihohoterwa rikorerwa abagore n’abakobwa bwiswe mu rurimi rw’Icyongereza – UNiTE campaign to end Violence Against Women and Girls” (VAWG), mu mwaka wa 2010 ibihugu bya Afurika na byo byatangirije ubu bukangurambaga, umuhango wo kubutangiza ku mugaragaro ukaba warabereye mu gihugu cya Ethiopia.

Inzego z’umutekano mu Rwanda zifatanyije n’Imiryango ishamikiye ku Muryango w’Abibumbye ikorera mu Rwanda (One - UN Rwanda) muri ubwo bukangurambaga mu Nama Mpuzamahanga yabereye i Kigali mu mwaka wa 2010 yari ifite insanganyamatsiko igira iti "Uruhare rw’inzego z’umutekano muri Afurika mu guca ihohoterwa rikorerwa abagore n’ abakobwa."

Iyo Nama yasojwe hashyirwa umukono ku Itangazo ry’Inama Mpuzamahanga ya Kigali (Kigali International Conference Declaration - KICD). Kugeza ubu, ibihugu 34 byo ku Mugabane wa Afurika bimaze gushyira umukono kuri iryo tangazo.

Kuva mu 2010 hamaze kuba Inama Rusange eshanu; zikaba zarabereye mu bihugu bitandukanye aho umwanzuro ukomeye wafatiwe muri imwe muri izo nama ari aho ibihugu byayitabiriye byanzuye ko i Kigali hashyirwa Ubunyamabanga buhoraho bw’Ikigo Nyafurika gihuza ibikorwa by’Inzego z’umutekano byo kurwanya ihohoterwa rikorerwa abagore n’abakobwa kizwi mu rurimi rw’Icyongereza nka ”Africa’s Centre for Security Organs Coordination of Actions to end Violence Against Women and Girls (AFSOCA-VAWG)."

Inshingano nyamukuru y’iki Kigo (AFSOCAVAWG) ikaba ari uguhuza no gushyira mu bikorwa imyanzuro y’ Itangazo ry’Inama Mpuzamahanga ya Kigali (KICD).

Mu gushyira mu bikorwa imyanzuro y’ Itangazo ry’Inama Mpuzamahanga ya Kigali (KICD) isaba inzego z’umutekano zo ku Mugabane wa Afurika gufata ingamba zifatika mu kurandura ihohoterwa rikorerwa abagore n’abakobwa aho kugeza ubu hari ibikorwa bimaze gukora birimo:

Inyubako y’Ubunyamabanga bw’Ikigo Nyafurika gihuza ibikorwa by’inzego z’umutekano bigamije kurwanya ihohoterwa rikorerwa abagore n’abakobwa (AFSOCCA-VAWG), inshingano n’imikorere byacyo no gukurikirana ishyirwa mu bikorwa ry’imyanzuro y’ Itangazo ry’Inama Mpuzamahanga ya Kigali (KICD).

Hakozwe kandi igishushanyo mbonera cy’imyaka itanu cyerekana ibiteganywa gukorwa n’inzego z’umutekano za Afurika mu guca ihohoterwa rikorerwa abagore n’abakobwa.

JPEG - 6.5 Mb
Abayobozi bakuru muri Guverinoma n‘abandi bitabiriye inama y’abagore yabereye muri Algers

Mu kurebera hamwe uburyo bwiza bwakoreshwa mu kurwanya ihohoterwa rikorerwa abagore n’abakobwa mu bihe by’amahoro, mu bihe by’amakimbirane na nyuma yayo, habaye imyitozo ibiri (Command Post Exercises -CPX) ihuza inzego z’umutekano z’ibihugu byose bya Afurika.

Inama y’abagore bo mu nzego z’umutekano

KICD irategura Inama ya mbere ku rwego rw’akarere ihuza abagore bari mu nzego z’umutekano izabera i Kigali kuva tariki ya 28 kugeza tariki 29 Ugushyingo 2016 muri Kigali convention Center. Mu byo izibandaho harimo gusuzuma ishyirwa mu bikorwa ry’imyanzuro yafatiwe mu Nama ya gatanu ya KICD yabereye muri Alijeriya muri Werurwe 2016.

Iyo Nama izahurirana n’igikorwa cy’Ubukangurambaga bw’iminsi 16 bwo kurwanya ihohoterwa rishingiye ku gitsina. Biteganyijwe ko izitabirwa n’abagore bo mu nzego zo hejuru z’umutekano muri aka karere, inzobere mu bijyanye n’amahoro n’umutekano n’abandi bayobozi barimo abo mu nzego Nkuru za Guverinoma, Umuryango w’Abibumye, Imiryango Itegamiye kuri Leta n’abafatanyabikorwa mu iterambere. Iyo Nama ikaba ifite insanganyamatsiko igira iti "Uruhare rw’abagore mu kurinda umutekano: Gushyiraho Ingamba nshya".

JPEG - 381.9 kb
Inzego z’Umutekano muri CP II mu 2015

Intego yayo ikaba ari ukurebera hamwe uruhare rw’umugore mu kubungabunga umutekano, gusangira ubunararibonye, imbogamizi bahura na zo muri iyo mirimo no kuzishakira ibisubizo; bityo ubumenyi bazayungukiramo ndetse n’ingamba bazafata bikaba bizatuma abayitabiriye bagira imyumvire imwe ku guca ihohoterwa rikorerwa abagore n’abakobwa, kandi bikaba bizatuma abagore bo mu nzego z’umutekano bakumira ubwo bwoko bw’ihohoterwa.

Itahwa ry’Ikigo cy’Icyitegererezo muri aka Karere

Inama ya mbere y’abagore bo mu nzego z’umutekano muri aka Karere izahurirana n’itahwa ry’Ikigo cy’Icyitegererezo muri aka Karere kigamije guca ihohoterwa rikorerwa abagore n’abana kiri ku cyicaro gikuru cya Polisi y’u Rwanda ku Kacyiru, kibaka cyarubatswe ku bufatanye na Banki y’Isi.

JPEG - 341.7 kb
Abiyabiriye Inama ya KICD mu mwaka wa 2014

Kizafasha mu bushakashatsi ku byaha by’ihohoterwa rikorerwa abagore n’abana, gusangira ubumenyi n’ubunararibonye ndetse no guhanahana amakuru y’uburyo iryo hohoterwa ryacika. Iki Kigo kizaba kandi kirimo Ibiro by’Ubunyamabanga bwa KICD buzaba bushinzwe ubuhuzabikorwa.

Ibizakorerwa muri iki Kigo cy’Icyitegererezo muri aka Karere

  • Ubushakashatsi
  • Kubaka no kongera ubushobozi
  • Kwegeranya no guhanahana amakuru
  • Kubika amakuru y’ibikorwa by’indashyikirwa
  • Gutegura neza ibikorwa by’ubufatanye n’abaturage mu kubungabunga umutekano
  • Kunoza imikoranire n’izindi nzego no gufatanya muri gahunda zitandukanye
  • Gushyiraho amategeko no kugena gahunda zifasha ibihugu bigize uyu Muryango
JPEG - 322 kb
Ikigo gishya cy’icyitegererezo mukurwanya ihohoterwa riishingiye ku gitsina cyubatswe i Kigali

Ikigo cy’Icyitegererezo mu guca Ihohoterwa rishingiye ku gitsina n’irikorerwa abana

Ikigo cy’Icyitegererezo muri aka Karere kigamije kurwanya no guca ihohoterwa rishingiye ku gitsina n’irikorerwa abana. Intego yacyo ni ugukora ubushakashatsi, kongerera ubushobozi inzego z’umutekano n’abandi bakora mu zindi nzego z’Ubuyobozi, gusangira ubunararibonye no guteza imbere gahunda z’akarere zigamije guca ihohoterwa rishingiye ku gitsina n’irikorerwa abana.

Indangagaciro

• Ubunyangamugayo: Kubahiriza no gushyira mu bikorwa ibyemezo gifata hashingiwe ku bushobozi bwacyo.

• Icyizere: Tuzakorana neza n’abafatanyabikorwa bacu, kandi tuzubahiriza inshingano zacu.

• Gukorera mu mucyo: Tuzarangwa no gukorera mu mucyo dukoresha neza ubushobozi tugenerwa, kandi dushimangira icyizere cy’abafatanyabikorwa bacu.

• Guhanga udushya: Ubunyamabanga bw’ Itangazo ry’Inama Mpuzamahanga ya Kigali (KICD) buzahora buri gihe butekereza ku ngamba no gushakira ibisubizo ibibazo abagore n’abakobwa bahura na byo aho bari no mu muryango mugari . Tuzirikana ko guhanga udushya ari bumwe mu buryo bwo kwishakamo ibisubizo by’ibibazo by’ubushobozi.

JPEG - 292.8 kb
Abitabiriye CPX I mu mwaka wa 2013

Ishyirwa ku mugaragaro ry’Igitabo cya Isange

Imwe mu ngamba za KICD ni ukugira Ikigo cya Isange One Stop Center uburyo bufatika bwo kurwanya isambanywa ry’abana n’ihohoterwa rishingiye ku gitsina. Mu ishyirwa mu bikorwa rya serivisi z’Ikigo cy’icyitegererezo muri aka karere kigamije ahanini kwegeranya amakuru, iyi Nama y’Abagore bo mu nzego z’umutekano muri aka karere izahurirana n’ishyirwa ku mugaragaro ry’Igitabo cya Isange One Stop Center cyitwa "Rwanda’s Holistic Approach to Fighting Gender Based Violence and Child abuse: The Isange One Stop Centre Model."

JPEG - 179.8 kb
Madamu wa Perezida wa Benin Claudine Talon na Madamu Jeannette Kagame basura Isange One Stop Center

Iki gitabo kigaragaza mu incamake amavu n’amavuko yacyo, impamvu nyamukuru y’ishyirwaho ryacyo, ibyo gishinzwe, uburyo kibikora, ibyo kimaze kugeraho, ingamba gifite mu bihe biri imbere, ndetse n’amasomo gikura mu byo gikora.

Kigaragaza kandi mu buryo burambuye inzego zigiha ubufasha butandukanye butuma gisohoza inshingano zacyo zo kwita no gufasha abakigana bakorewe ihohoterwa rishingiye ku gitsina kimwe n’abana bahohotewe.

JPEG - 613.8 kb
Perezida Paul Kagame yiyunze ku bakuru ba Polisi n’abahagarariye ibigo cyangwa imiryango bya Polisi
JPEG - 381.9 kb
Inzego z’Umutekano muri CP II mu 2015
JPEG - 2.4 Mb
Minisitiri w’Intebe wa Algeria atangiza KICD yabereye muri Algers
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Iby’ubusa ntibiramba- Minisitiri Kaboneka
Iby’ubusa ntibiramba- Minisitiri Kaboneka

Minisitiri w’Ubutegetsi bw’Igihugu Francis Kaboneka, yasabye urubyiruko kutirukira gukira vuba mu byo batavunikiye, bakirinda iby’ubusa kuko ubutunzi umuntu ageraho atabukoreye butaramba. Ubwo (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.