2017-09-24 09:25:05 clouds 27o High | Kigali Rwanda

Dukurikire:
 
 

U Rwanda rwiteguye kwakira neza inama yo kubyaza inyungu ubukerarugendo nyafurika

Yanditswe na IMVAHO NSHYA

Kuya 2016-11-07 06:09:23

 
Share on:
 
Yasuwe:5
 
Yavuzweho:200
 
10
 
10

Ubuyobozi bw’Ikigo cy’Igihugu cy’iterambere (RDB) bwatangaje ko u Rwanda rwiteguye kwakira inama mpuzamahanga yiga ku bukerarugendo izaba ku nshuro yayo ya 41.

Iyi nama itegerejwe i Kigali guhera tariki ya 14 kugeza ku ya 17 Ugushyingo 2016 yateguwe ku bufatanye n’Ikigo Nyafurika gihuza amashyirahamwe atwara ba mukerarugendo (ATA) nka rimwe mu mashami y’Inama y’Ikigo cy’Abanyamerika cyibanda ku bucuruzi muri Afurika (ACCA).

Umuyobozi Nshingwabikorwa wa RDB Francis Gatare yagize ati “U Rwanda rwishimiye kwakira abatumirwa muri iyi nama. Hari ibikorwa remezo bigezweho n’uduce tugezweho mu gukurura ba mukerarugendo tuzashimisha aba bashyitsi.”
Ni mu gihe Loni yageneye umwaka utaha wa 2017 iterambere rishingiye ku bukerarugendo aho izatera inkunga ubucuruzi n’ibindi bikorwa bishingiye ku bukerarugendo.

JPEG - 81 kb
Ubukerarugendo bwinjiza amadovize menshi mu Rwanda

Iyo nama izahuza abayobozi bo muri Afurika, abashoramari mpuzamahanga n’abahanga mu by’ingendo barebere hamwe uburyo hahangwa akazi gashingiye ku byiza nyaburanga by’umugabane.

Bazanareba uburyo umuco w’abatuye Afurika wabyazwa umusaruro hashingiwe ku bihangano by’ubugeni n’udushya.

Ubukerarugendo bwinjije miliyoni 304.9 z’amadolari y’Amerika umwaka wa 2014 angana na miliyari 210 na miliyoni 685 z’amafaranga y’u Rwanda, nk’uko bigaragazwa na raporo y’Ikigo cy’igihugu cy’iterambere (RDB).

Iyi raporo kandi igaragaza ko abashyitsi bageze mu Rwanda mu mwaka ushize 2014 ari 1 220 000, abenshi muri bo bakaba bari bazanywe no gusura ingagi n’ibindi bikorwa bijyanye n’ubukerarugendo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE