2017-07-21 15:15:02 clouds 27o High | Kigali Rwanda

Dukurikire:
 
 

U Rwanda rwifatanyije mu kababaro na Tanzania yibasiwe n’umutingito

Yanditswe na IMVAHO NSHYA

Kuya 2016-09-12 07:24:54

 
Share on:
 
Yasuwe:18
 
Yavuzweho:200
 
10
 
10

Leta y’u Rwanda yihanganishije Tanzania yibasiwe n’umutingito wahitanye abasaga 15 abarenga 250 bagakomereka mu mpera z’iki cyumweru.

Minisitiri w’Ububanyi n’Amahanga w’u Rwanda, Louise Mushikiwabo abinyujije kuri Twitter yavuze ko u Rwanda rubabajwe n’abasize ubuzima muri icyo kiza, yifuriza abarwaye gukira.

Ati”Mwihangane bavandimwe bo muri Tanzania kubw’abatakarije ubuzima bwabo mu mutingito, abawukomerekeyemo tubifurije koroherwa vuba.”

JPEG - 115.3 kb
Uwo mutingito wangije byinshi

Uwo mutingito ufite igipimo cya 5.7 wishe abasaga 16 naho 253 barakomereka mu majyaruguru ya Tanzania hafi n’umupaka w’u Rwanda na Uganda cyane cyane mu mujyi wa Bukoba.

Wanumvikanye mu Rwanda aho wangije inyubako, ndetse no muri Kenya.

Komiseri w’Umujyi wa Bukoba, Deodatus Kinawila, yabwiye BBC ko uwo mutingito ubasize iheruheru.

Ati” Usize wangije byinshi ariko kuri ubu hagarutse umutuzo, abari bakomeretse bamwe bavuye mu bitaro, ntabwo twiteze kubona abandi bapfa cyangwa bakomeretse.”

Ikigo cy’Ubumenyi bw’Isi cya USA cyatangaje ko uwo mutingito wumvikanye muri kilometero icumi, saa cyenda z’amanwa n’iminota 27 ku wa Gatandatu.

Agace ka Umuhora w’Uburasirazuba gakunze kwibasirwa n’imitingito, uwaherukaga wo ku gipimo cya gatandatu wangije byinshi mu mujyi wa Arusha muri Nyakanga 2007.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE