Advertisement
 
 
 
 
 
 
 
 

Amakuru | Mu Rwanda

U Rwanda rwasubije Congo umusirikare wayo winjiye abeshya ko avuye muri FDLR   

  Yanditswe na Iyaremye Yves
 May 2016

 
 

U Rwanda rwasubije Repubulika Iharanira Demokarasi ya Congo umusirikare wayo winjiye mu gihugu abeshya ko avuye mu nyeshyamba za FDLR .

Tuyishime Jean Claude ufite ipeti rya 1er Sergeant mu ngabo za Congo FARDC ni umukongomani w’imyaka 28 washikirijwe ingabo zishinzwe gucunga imipaka y’u Rwanda na Congo MCVE&EJVM.

Uyu musore yakoreraga mu mujyi wa Goma mu ishami rishinzwe imyitwarire y’abasirikare (Military Police), avuka ahitwa i Ngungu muri Masisi.

JPEG - 76.8 kb
Tuyishime yasubijwe iwabo ashimira ingabo z’u Rwanda

Avuga ko yaje mu Rwanda abeshya ko yabaga mu nyeshyamba za FDLR anyura muri MONUSCO nk’umunyarwanda utashye iwabo ku wa 25 Werurwe 2016 ariko ageze mu kigo cyo gusubiza mu buzima busanzwe cya Mutobo akajya abazwa aho azajya nyuma yo kuhava bigenda bimucanga ahitamo kuvugisha ukuri.

Aragira ati:”Naje mu Rwanda nje kureba umukobwa twari inshuti mbeshya ko mvuye mu nyeshyamba za FDLR kubera bakomezaga kumbaza aho umuryango wanjye uri n’aho nzajyanwa kuba nyuma nk’uko bigendekera Abanyarwanda bose batahutse ngenda mbeshya nkavuga ibitandukanye buri gihe ngeze aho mpitamo kuvugisha ukuri ko mvuye muri FARDC.”

Akomeza avuga ko umukobwa wari wamuzanye mu Rwanda yitwa UMUNGA Alice yamubwiye ko avuka mu Cyanika mu murenge Rugerero ariko yagera mu Rwanda akamubura ku murongo wa telephone bakoreshaga bavugana kandi yari amufitiye amafaranga.

Tuyishime arashima ingabo z’u Rwanda zamwakiriye neza zikaba zimusubije ingabo yahozemo mu mahoro.

Lieutenant Col James Cassius ushinzwe ingabo mu karere ka Rubavu avuga ko guhererekanya ingabo ziba zaje mu Rwanda mu buryo butemewe n’amategeko bisanzweho kandi bigamije gukomeza kugira imibanire myiza.

Col. Fulbert Okanza wungirije uhagarariye ingabo mu ngabo zo mu karere MCVE&EJVM arashima u Rwanda uburyo rudahwema kugaragaza ubufatanye bwiza mu gutanga abasirikare baba baje mu buryo butemewe bityo asaba ko ubufatanye bwakomeza kubaho ku mpande zombi.

Ati”Turashima leta y’u Rwanda by’umwihariko igisirikare n’inzego z’umutekano uburyo zitworohereza mu gucunga umutekano mu karere,turashima u Rwanda kuba rudaceceka iyo hagaragaye ibintu nk’ibi tugafatanya kubikemura; turifuza ko byakomeza.”

 

Comments

 
 
Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.