Advertisement
 
 
 
 
 
 
 
 

Amakuru | Mu Rwanda

U Rwanda rwasubije Congo abajura bayo bafatiwe i Rubavu   

  Yanditswe na IYAREMYE YVES
 April 2016

 
 

U Rwanda rwashyikirije Repubulika Iharanira Demokarasi ya Congo umugore n’umukwe we bashinjwa kwiba ibikomo n’indi mitako ihenze muri icyo gihugu bagahungira mu mujyi wa Rubavu.

Sikujua Anne Marie n’umukwe we Pappy Muhinda, basanzwe bacuruza mu iguriro ry’ibiribwa ryitwa Birunga Market mu mujyi wa Goma. Bakurikiranweho kwiba ibintu bitandukanye bikoze mu mabuye y’agaciro mu Gushyingo kwa 2015.

JPEG - 72.3 kb
Sikujua n’umuhungu we bashinjwa kwiba ibikomo bifite agaciro

Ubwo ubuyobozi bw’umujyi wa Goma bwashyikirizwaga abo bakekwaho ubujura, Visi-Meya w’uwo mujyi, Juvenal Ndabereye yashimye ubufatanye bw’u Rwanda mu gufata abakoze ibyaha mu bihugu byombi.

Yasabye ubuyobozi bw’u Rwanda gukomeza iperereza kugira ngo aho ibyibwe byajyanwe hamenyekane ndetse n’abafashije muri ubwo bujura batabwe muri yombi.

Sikujua Anne Marie, yabwiye Imvaho Nshya ko atemera ibyo ashinjwa. Yavuze ko abajura ba nyabo bari kumwe muri gereza bagafungurwa ariko ngo we n’umuhungu we bakabibeshyaho bakabasigarana.

Umuyobozi w’akarere ka Rubavu, Sinamenye Jeremie yavuze ko u Rwanda rwiyemeje kuhashya burundu ibyaha byambukiranya imipaka bikorerwa hagati y’imijyi ya Gisenyi na Goma.

JPEG - 76.1 kb
Meya Sinamenye na Visi- Meya Ndabereye basinya amasezerano yo guhererekanya abakekwaho ibyaha

Yongeyeho ko icy’ibanze ari uko abo bajura batawe muri yombi kandi ko iperereza rikomeje ngo barebe niba nta bafatanyacyaha bacyihishe mu Rwanda.

Ati” Icya mbere ni uko twagombaga kubashyikiriza abaturage babo. Turi muri gahunda yo kugabanya ibyaha byambukiranya imipaka no kuzamura imibanire myiza hagati ya Gisenyi na Goma. Iperereza riracyakomeje nihagira igishya kiboneka bazakimenyeshwa.”

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.