Advertisement
 
 
 
 
 
 
 
 

Amakuru | Mu Rwanda

U Rwanda rwasabye u Burundi umubiri wa Amb. Bihozagara n’ukuri ku rupfu rwe   

  Yanditswe na IMVAHO NSHYA
 March 2016

 
 

Leta y’u Rwanda yasabye u Burundi gutanga amakuru afatika ku cyihishe inyuma y’urupfu rw’Umunyarwanda, Jacques Bihozagara, wapfiriye muri icyo gihugu muri iki Cyumweru.

Mu itangazo Minisiteri y’Ububanyi n’Amahanga yashyize ahagaragara kuri uyu wa Kane, Leta y’u Rwanda yagaragaje ko yababajwe bikomeye n’urupfu rwa Bihozagara wari ufungiwe muri gereza ya Mpimba kuva mu Kuboza kwa 2015, ndetse umuryango we ukaba wari warabujijwe kumusura.

Umuyobozi ushinzwe Afurika muri Minisiteri y’Ububanyi n’Amahanga y’u Rwanda yagize ati” Jecques Bihozagara ni umwe mu banyarwanda bapfiriye mu Burundi bishwe urwagashinyaguro cyangwa urudasobanutse mu mezi ashize.
Minisiteri y’Ububanyi n’Amahanga n’Ubufatanye y’u Rwanda yifuza kubona amakuru aturutse ku buyobozi bw’u Burundi ku rupfu rwe ndetse n’impamvu yari afunzwe kuva mu Kuboza.”

JPEG - 94.2 kb
Jacques Bihozagara

U Rwanda kandi rwasabye ubutegetsi bw’u Burundi korohereza abagize umuryango wa Bihozagara mu gikorwa cyo kohereza umubiri wa nyakwigendera mu Rwanda, aho bifuza ko ashyingurwa.

Bivugwa ko Amb. Bihozagara yapfuye ku wa Gatatu ariko icyamwishe ntikiramenyekana. Amakuru aturuka mu bo bari bafunganwe avuga ko yabyutse ari muzima ariko ku manwa akumva atamerewe neza akajya kwivuza ku bitaro bya gereza. RFI ivuga ko abo bafunganwe batunguwe no kumva ko yapfuye.

Bihozagara yigeze kuba ambasaderi w’u Rwanda mu Bubiligi no mu Bufaransa, ndetse na Minisitiri wo Gucyura Impunzi. Nyuma yaho yagiye mu Burundi gukora ubucuruzi.

Yatawe muri yombi n’urwego rushinzwe iperereza mu Burundi ku ya 4 Ukuboza 2015 ashinjwa kuba intasi y’u Rwanda.

 

Comments

 
 
Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.