Advertisement
 
 
 
 
 
 
 
 

Amakuru | Mu Rwanda

U Rwanda rwasabye guhata ibibazo abasirikare 20 b’Abafaransa   

  Yanditswe na IMVAHO NSHYA
 4 months ago

 
 

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994.

Mu iperereza rigiye gukorwa ku basirikare 20 hagendewe ku makuru yamaze gukusanywa, u Bufaransa bwasabwe korohereza ubutabera bw’u Rwanda binyuze muri Amabasade yarwo aba basirikare bagatangira guhatwa ibibazo ku ruhare bakurikiranyweho muri Jenoside yakorewe Abatutsi.

Umushinjacyaha Mukuru w’u Rwanda Richard Muhumuza, yavuze ko bamaze kuvugana n’ubuyobozi bw’u Bufaransa kandi biteze ubufatanye bwiza nubwo umubano w’ibihugu byombi uhoramo agatotsi gaturuka ku Bufaransa buvugwaho guhindura amateka y’u Rwanda Politiki.

Ubushinjacyaha bw’u Rwanda bwasabye ko ibi byakorwa hagendewe ku masezerano mpuzamahanga cyane ko nta bufatanye mu butabera ibihugu byombi bifite.

Itangazo ryashyizweho umukono na Muhumuza Richard kuwa Kabiri tariki ya 29 Ugushingo, rivuga ko “mu gihe iperereza rikomeje, abandi bayobozi n’intumwa za Guverinoma y’u Bufaransa bashobora kuzasabwa gutanga amakuru yafasha ubushinjacyaha.”

Urutonde rw’abasirikare bagiye kubazwa rufitanye isano n’urw’abasirikare 22 baheruka gushyirwa ku karubanda na Komisiyo y’Igihugu ishinzwe kurwanya Jenoside (CNLG) tariki 31 Ukwakira, na yo yashingiye kuri lisiti yatanzwe na ‘Komisiyo Mucyo’ yashinzwe guhuza amakuru n’ibimenyetso ku ruhare rw’Abafaransa muri Jenoside yakorewe Abatutsi.

Mu mwaka wa 2008 imirimo y’iyi komisiyo yagaragaje abanyepolitiki 13 n’abasirikare barenga 20 b’Abafaransa.

 

Comments

 
 
Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.