Advertisement
 
 
 
 
 
 
 
 

Amakuru | Mu Rwanda

U Rwanda rwarushije ibihugu bya Afurika umuvuduko w’iterambere ry’abaturage   

  Yanditswe na NTAWITONDA JEAN CLAUDE
 3 weeks ago

 
 

Mu myaka 10 ishize u Rwanda rwanikiye ibindi bihugu bya Afurika mu kongera umuvuduko w’iterambere ry’abaturage nk’uko byagaragajwe na Raporo y’Umuryango Mo Ibrahim uharanira iterambere rya Afurika.

Iyi raporo ya 2016 yerekana ubushakashatsi bwakozwe ku iterambere ry’inzego zitandukanye mu bihugu bya Afurika bwagaragaje u Rwanda mu bihugu byazamuye iterambere ry’umuturage ku buryo bugaragara guhera mu mwaka wa 2006 kugeza ubu.

Nubwo u Rwanda ruza imbere mu bihugu byongereye amanota y’iterambere ry’umuturage, ni urwa gatanu muri rusange n’amanota 71.2% inyuma y’Ibirwa bya Seychelles byagize 84.2%, ibya Maurice byagize 83.7%, Botswana n’amanota 78.5 %, na Cape Verde yagize 72.5%.

JPEG - 84 kb
Uburezi, ubuzima no guhindura imibereho y’abaturage ni inzwego u Rwanda rwataburiyemo ibindi bihugu mu myaka 10 ishize

Ibipimo byagendeweho ni mu rwego rw’uburezi, imibereho myiza n’ubuzima bw’abaturage. U Rwanda rushyirwa imbere n’uburyo guhera mu mwaka wa 2006 kugeza ubu ari rwo rwongereye amanota 14% menshi muri izi nzego mu gihe ibihugu byaje imbere muri rusange byazamuyeho make cyangwa akagabanuka.

Ibihugu bikurikiraho mu kuzamura amanota menshi ni Ethiopia yongeyeho amanota 13.9 ku yo yari ifite mbere y’umwaka wa 2006 ikagira 56.5%, Angola yongeyeho 11.2 nubwo igifite 46.7%, na Togo yongereyeho 10.5%

Muri iyi mwaka, amanota yo kuvugurura imibereho myiza mu Rwanda yonyine yiyongereyeho 20.7%. Raporo iragira iti “U Rwanda ruza ku mwanya wa mbere mu guhindura imibereho myiza y’abaturage kandi ni na cyo gihugu cyateye intambwe ifatika mu kuvugurura inzego zose.”

JPEG - 197.2 kb
Abanyarwanda bari imbere mu muvuduko wo guhindura byinshi mu iterambere

Raporo y’Umuryango Mo Ibrahim kandi yerekana ko u Rwanda rwagaragaje impinduka no mu zindi nzego zirimo guhanga amahirwe y’iterambere rirambye mu bukungu, uburinganire, kubahiriza amategeko n’ibindi.

Iyi raporo yerekana intambwe Abanyarwanda bamaze kugeraho mu gihe imibare itangwa na Banki y’Isi yerekana ko icyizere cyo kubaho ku cyiyongereyeho imyaka irenga 33 kuva mu mwaka 1990 kikaba kigeze ku myaka 66.

Ibyagezweho byose bishingiye kuri gahunda za Leta zinyuranye zashyiriweho gukura abaturage mu bukene no kubafasha mu iterambere, uburezi kuri bose, ubwisungane mu kwivuza n’izindi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Iby’ubusa ntibiramba- Minisitiri Kaboneka
Iby’ubusa ntibiramba- Minisitiri Kaboneka

Minisitiri w’Ubutegetsi bw’Igihugu Francis Kaboneka, yasabye urubyiruko kutirukira gukira vuba mu byo batavunikiye, bakirinda iby’ubusa kuko ubutunzi umuntu ageraho atabukoreye butaramba. Ubwo (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.