2017-08-20 07:43:19 clouds 27o High | Kigali Rwanda

Dukurikire:
 
 

U Rwanda rwanikiye ibihugu bikiri mu nzira y’Amajyambere mu guhanga udushya

Yanditswe na IMVAHO NSHYA

Kuya 2016-08-16 06:05:05

 
Share on:
 
Yasuwe:2
 
Yavuzweho:200
 
10
 
10

Ikigo Mpuzamahanga cy’Umutungo mu by’Ubwenge (WIPO) cyatangaje ko u Rwanda ari cyo gihugu kiri mu nzira y’Amajyambere kirusha ibindi byo mu kigero kimwe cy’ubukungu guhanga udushya.

Mu cyegeranyo ngarukamwaka cy’uko ibihugu birushanwa mu guhanga udushya WIPO ifatanyije na Cornell Univesity byashyize ahagaragara ku wa 15 Kanama 2016, u Rwanda rwaje imbere mu bihugu bikiri mu nzira y’Amajyambere, rukurikirwa na Mozambique na Cambodia.

U Rwanda kandi rwanikiye ibindi bihugu mu korohereza abaturage guhabwa inguzanyo, aho rwaje ku mwanya wa kabiri ku Isi no kuzamura ibigo by’imari iciriritse aho ruri ku mwanya wa 6.

WIPO ivuga ko leta y’u Rwanda iza imbere mu korohereza abashoramari (ku mwanya wa 44 ku Isi), mu kugira ibigo bitanga amahugurwa (16), kubungabunga umutungo mu by’ubwenge (8), gutangira gahunda za leta kuri internet (63) no kugira urubyiruko rwinshi rwigiye ubwenjeniyeri n’ikoranabuhanga muri kaminuza (38).

PNG - 898.7 kb
Leta y’u Rwanda yiyemej kwigisha abakiri bato ikoranabuhanga bagakura bahanga udushya

Muri Afurika y’Uburasirazuba u Rwanda rwaje ku mwanya wa kabiri nyuma ya Kenya, naho muri Afurika yo munsi y’Ubutayu bwa Afurika, Mauritius yaje imbere, ikurikirwa na Afurika y’Epfo, Kenya, u Rwanda, Mozambique, Botswana, Namibia na Malawi.

Ku Isi ibihugu biyoboye ibindi mu guhanga udushya ni u Busuwisi, Suwede, u Bwongereza, Leta Zunze Ubumwe za Amerika na Finland.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE