Advertisement
 
 
 
 
 
 
 
 

Amakuru | Mu Rwanda

U Rwanda rwaguze batiri ibika umuriro mwinshi kurusha izindi ku Isi   

  Yanditswe na HERVE UGIRUMUKUNDA
 June 2016

 
 

Leta y’u Rwanda yaguze n’ikigo cyo mu Budage, Tesvolt, batiri ya mbere ibika umuriro mwinshi ku Isi izakoreshwa mu mushinga w’ubuhinzi mu ntara y’Uburasirazuba.

Iyi batiri izajya yitabazwa ku muyoboro wa Megawati 3.3 w’amashanyarazi akomoka ku zuba mu buryo bwo kuziba icyuho igihe umuriro wabuze.

Igizwe na twa batiri duto 134 dukoze muri Lithium twose hamwe dufite ubushobozi bwo kubika Megawati 2.68 z’umuriro. Izajya itanga umuriro ukoresha moteri 44 zikurura amazi yo kuhira imyaka .

JPEG - 46.3 kb
Batiri za Tesvolt zibika umuriro mwinshi

Ikinyamakuru PV Magazine kivuga ko ushinzwe ubwenjeniyeri mu ruganda, Tesvolt, avuga ko aho iyo batiri izakoreshwa hari ikibazo cy’uko umuriro waburaga inshuro ziri hagati y’eshatu n’enye ku munsi ukamara iminota iri hagati y’itanu na 45 utaragaruka.

Ati” Ni yo mpamvu baduhaye isoko ryo gutanga batiri izajya ibika umuriro igahita iwutanga vuba na bwangu igihe usanzwe ukoreshwa ubuze. Batiri zikomeye cyane nizo zonyine zishoboye iki gikorwa kandi ni nke wasanga ku isoko ku Isi yose muri iki gihe.”

Tesvolt ni uruganda rukunze gukora za batiri zifite ikoranabuhanga ryatuma ibice bizigize bisimbuzwa mu gihe bifite ikibazo.

U Rwanda rwiyemeje kwihaza mu muriro w’amashanyarazi mu rwego rwo kuzamura ibikorwa bikomeye imbere mu gihugu birimo inganda n’ishoramari.
Kuri ubu mu gihugu hatangijwe gahunda zitandukanye zo kongera umuriro zirimo kuwubyaza gazi metane iri mu Kivu, gukoresha izuba , kubaka ingomero no kuwutumiza mu bihugu bifite mwinshi nka Kenya na Ethiopia.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.