Advertisement
 
 
 
 
 
 
 
 

Amakuru | Mu Rwanda

U Rwanda ruzishakamo 95% by’ingengo y’imari mu matora ya Perezida   

  Yanditswe na TWAGIRA WILSON
 3 weeks ago

 
 

Komisiyo y’Igihugu y’Amatora (NEC) yatangaje ko imyiteguro y’amatora y’Umukuru w’Igihugu ateganyijwe guhera muri Kanama2017 irimbanyije ndetse akaba yitezweho kygenda neza cyane ko hejuru ya ingengo y’imari ikenewe ari iy’iy’u Rwanda ku kigero kiri hejuru ya 95%.

Umunyamabanga Nshingwabikorwa w’iyi komisiyo Munyaneza Charles, yatangaje ko ingengo y’imari igenewe amatora y’Umukuru w’Igihugu mu 2017 ingana na miliyari 5.5 z’amafaranga y’u Rwanda, akaba yaragabanutseho miliyoni 500 ugereranyije n’ayakoreshejwe mu matora ya 2010.

Mu kiganiro cyihariye Munyaneza yagiranye na RBA yavuze ko amatora yo kuri iyi nshuro azaba afite umwihariko w’uko azakoreshwamo cyane ikoranabuhanga, guhera ku kwiyandikisha no kwikosoza kuri lisiti y’itora hakoreshejwe uburyo bwa telefoni ngendanwa, kugeza ku matora nyir’izina, kandi ko ibikoresho byose bikenewe biri mu buryo kandi imyiteguro igenda neza nta kibazo gihari.

JPEG - 154.3 kb
Umunyamabanga Nshingwabikorwa wa Komisiyo y’igihugu y’amatora Munyaneza Charles

Munaneza kandi aherutse kubwira abanyamakuru ko ibikorwa byo kwitegura amatora hakiri kare byatangiye, kugira ngo abaturage bazagere igihe cyo gutora barateguwe ku buryo bazaba bamaze gusobanukirwa.

Yagize ati “Hari ibintu byinshi twatangiriyeho, mu cyumweru gishize twahuguye abafatanyabikorwa batandukanye ku rwego rw’igihugu tubahugura ku myiteguro y’amatora, iby’ingenzi mu mategeko agenga amatora n’incamake ya gahunda y’amatora.”

Abahuguwe barimo abahagarariye imitwe ya Politiki yose uko ari 11, abahagarariye imiryango itari iya Leta, abahagarariye inzego z’abagore, urubyiruko n’izindi nzego zihuza ibyiciro runaka by’Abanyarwanda.

Uretse gutanga amahugurwa, Munyaneza yavuze ko n’ibikoresho na byo byatangiye gushakwa bikazakurikirwa no kuvugurura lisiti y’itora, dore ko buri mwaka hiyongeraho nibura abantu ibihumbi 200 hakanakurwaho ababa barapfuye cyangwa abo amategeko yambuye uburenganzira bwo gutora, ibyo bikazakorwa mu Gushyingo uyu mwaka.

Nk’uko amategeko agenga amatora abiteganya biramutse byemejwe ko amatora ya Perezida azaba muri Kanama 2017, abakandida bazamenyekana mbere y’uko kwiyamamaza bitangira muri Nyakanga 2017.

Abanyarwanda bageze igihe cyo gutora barashishikarizwa gukurikirana gahunda z’amatora uko zikurikirana ari na ko bajya ku tugari twabo gusuzuma niba imyirondoro yabo yanditswe neza hirindwa ko igihe cyazagera batujuje ibisabwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.