Advertisement
 
 
 
 
 
 
 
 

Amakuru | Mu Rwanda

U Rwanda rurereka Afurika aho rugeze rubungabunga ikirere n’ibidukikije   

  Yanditswe na MUTUNGIREHE SAMUEL
 June 2016

 
 

U Rwanda rurereka ibihugu bya Afurika ibyo rwagezeho bituma Isi irugira icyitegererezo mu kubungabunga ibidukikije, kuri uyu wa Kabiri mu nama yiga uko Afurika yatera imbere ku bidukikije n’ubudahangarwa bw’imihindagurikire y’ibihe “Africa Carbon Forum”.

Iyi nama ibaye ku nshuro ya 8, ije nyuma y’inama mpuzamahanga iherutse kubera i Paris mu Bufaransa mu Gushyingo 2015 yari igamije kugera ku masezerano agamije kurengera ibidukikije no gushaka uburyo hafatwa ingamba zigamije kugabanya izamuka ry’ubushyuhe ku Isi ntiburenge igipimo cya dogere ebyiri mu mpera z’iki kinyejana.

U Rwanda ruri mu bihugu 174 biherutse gushyira umukono kuri ayo masezerano muri Mata uyu mwaka.

JPEG - 244.6 kb
Minisitiri w’Umutungo Kamere Dr. Biruta Vicent mu kiganiro n’itangazamakuru mu kwitegura inama yiga ku iterambere ry’ibihe muri Afurika (Foto REMA)

Minisitiri w’Umutungo Kamere, Dr. Vincent Biruta asobanura ko u Rwanda rwageze kuri byinshi mu kubungabunga ibidukikije no guhangana n’imihindagurikire y’ibihe.

Ati “Twebwe nk’u Rwanda turerekana ibyo tumaze kugeraho birimo ikigega cyita ku bidukikije n’imihindagurikire y’ibihe FONERWA; twerekana ko ari kimwe mu bigega binini muri Afurika yo munsi y’Ubutayu bwa Sahara kimaze kugira ibikorwa bigaragara birimo guca amashashi.”

Kugeza ubu iki kigega minisiteri ivuga ko kimaze gukusanya miliyoni zirenga 100 z’amadolari afasha imishinga 33 itandukanye mu gihugu.

Umunyamabanga w’Ishami ry’Umuryango w’Abibumbye ryita ku mihindagurikire y’ikirere Luca Brusa yavuze ko kuba iyo nama irabera mu Rwanda byaturutse kuri gahunda Leta zifite icyitegererezo mu kwita ku kirere leta yashyizeho.

Ati “Kuri njye iyo urebye u Rwanda uno munsi ni igihugu gisobanura neza ko hari ubukungu butajegajega bufite gahunda yo kurengera ikirere. Mufite imishinga myinshi irimo n’uwo neretswe na minisitiri wo gukoresha ingufu z’izuba bigaragaza ko izo ngamba ziyoboye inzira muri Afurika, kandi ndizera ko hari imiryango myinshi yigenga izaza n’abayobozi batandukanye bazaza kureba imwe muri iyo mishinga bashobora gufatiraho urugero.”

Iyi nama imara iminsi 3 irimo abanyapolitiki n’abayoboye inzego zifata ibyemezo ku Isi, abahanga mu by’imihindagurikire y’ibihe n’ihumana ry’ikirere, ikaba kandi ku Rwanda urubuga rwo kwereka abashoramari baturutse hirya no hino ahari amahirwe yo gushora imari mu mishinga itandukanye.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.