Advertisement
 
 
 
 
 
 
 
 

Amakuru | Mu Rwanda

U Rwanda ruranyomoza ubushakashatsi buvuga ko abasivili batunze imbunda 58 000   

  Yanditswe na HERVE UGIRUMUKUNDA
 July 2016

 
 

Ubushakashatsi bwakozwe na Kaminuza ya Sydney ibifashijwemo na Loni, bugaragaza ko imbunda 58 000 ziri mu maboko y’abasivili mu Rwanda.

Buvuga ko Abanyarwanda 60 ku gihumbi batunze imbunda kandi u Rwanda ari urwa 151 mu bihugu 178 mu kugira abasivili batunze imbunda nyinshi.

Imibare y’ubwo bushakashatsi iri ku rubuga, Gunpolicy.org yerekana ko abasivili bo muri Kenya batunze imbunda 680 000, Tanzania 550, Uganda, 400 000, Ethiopia, 320 00, u Burundi, 100 000 n’u Rwanda 58 000.

JPEG - 78.1 kb
Imbunda za masotera zikunze gutungwa n’abaturage mu rwego rw’ubwirinzi

Umuvugizi wa Polisi y’u Rwanda, ACP Celestin Twahirwa, yabwiye Imvaho Nshya ko imibare igaragara muri ubwo bushakashatsi ififitse.

Ati” Ni ibintu by’ibihimbano, nta Munyarwanda urasaba gutunga imbunda kuva itegeko ribibemerera ryajyaho mu 2009, kandi n’abari bazitunze barazambuwe.”

Itegeko ryasohotse mu Igazeti ya Leta n° 52 yo ku wa 28 Ukuboza 2009, rivuga ko ushaka gutunga cyangwa kugendana imbunda,agomba kwandikira Komiseri Mukuru wa Polisi, agaragaza impamvu ayisaba.

Umunyarwanda utunze imbunda agomba kuyisuzumisha kuri polisi, kandi akishyura ibihumbi 500
by’amafaranga y’u Rwanda buri mwaka y’umusoro.

Polisi ivuga ko iryo tegeko rikiri kunozwa higwa ku ngingo zatuma umuntu yemererwa kwinjiza imbunda mu gihugu.

Mu gihe cya Jenoside yakorewe Abatutsi mu 1994 na nyuma yaho gato hari abaturage benshi bari batunze imbunda rwihishwa, bamwe barazitabye mu myobo.

Polisi n’ingabo z’u Rwanda zatangije ubukangurambaga, benshi muri bo barazitanga, abandi barazamburwa, ari naho ACP Twahirwa ashingira akavuga ko kuri ubu bisa nk’aho nta muturage utunze imbunda muu gihugu.

Ibi binagaragarira mu gucika kw’ibyaha by’ubujura n’ubwicanyi bukoreshejwe imbunda mu Rwanda.

 

Comments

  • July 2016

    Hakwiye kumenyekana ikigendererwa cyo gutwerera u Rwanda iriya mibare. Icyo nzi ni uko umuntu ushaka gutunga imbunda mu Rwanda abisaba inzego zibishinzwe.N’ubwo ntazi umubare wabazisabye, abazemerewe ndetse n’abazitunze, sinabura kuvuga ko iyi raporo ari impimbano kubera ko abayikoze batagaragaza uburyo bakoze ubwo bushakashatsi.


 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.