Advertisement
 
 
 
 
 
 
 
 

Amakuru | Mu Rwanda

U Rwanda rugiye kuratira amahanga ibyiza bya Girinka   

  Yanditswe na UWIMANA DONATA
 August 2016

 
 

U Rwanda rugiye kwakira inama Nyafurika ku Iterambere ry’Amata yateguwe n’umufatanyabikorwa wa Minisiteri y’Ubuhinzi n’Ubworozi, ESADA, ihuriro ry’umuryango Nyafurika ry’abarozi b’inka n’abakora ibikorwa bifitanye isano na byo.

Mu kiganiro n’abanyamakuru, Umunyamabanga Uhoraho muri Minisiteri y’Ubuhinzi n’Ubworozi Kayisinga Jean Claude yavuze ko mu dushya u Rwanda rwiteguye kumurikira amahanga harimo Gahunda ya Girinka.

Ati “Iyi Gahunda bazayisura, nk’agashya kacu batwigireho ndetse n’ibikomoka ku mata nka Foromaje n’ibindi.”

Yavuze ko mu bantu 700 bateganywa kuzakirwa muri iyo nama hamaze kwiyandikisha abantu bagera kuri 650.

JPEG - 274.2 kb
Kayisinga Jean Claude (ibumoso) Umunyamabanga Uhoraho muri MINAGRI (Foto Gisubizo G)

Muri iyi nama, ibihugu bizagaragaza ibyo byagezeho u Rwanda rushobora kwigiraho.

Kayisinga yasobanuye ko bazigira byinshi ku bindi bihugu kuko bimaze gukataza mu ikoranabuhanga ku mata. Ntabwo ari ibyo gusa igihugu kizunguka kuko ngo harimo no kubaka imikoranire mu by’ubucuruzi, guhanahana ubumenyi n’ibindi.

Hari gahunda yo kongera amata n’ibiyakomokaho

Umunyamabanga Uhoroho muri MINAGRI yavuze ko muri gahunda y’imbaturabukungu ya II mu buhinzi n’ubworozi harimo no kongera ubwinshi n’ubwiza bw’amata n’ibiyakomokaho.

Guhera mu mwaka 2000, u Rwanda rwari rufite umukamo na Toni ibihumbi 50, ariko kuri ubu umukamo ugeze kuri Toni ibihumbi 710. Mu 1998, umuntu umwe yanywaga litilo 6 ku mwaka ariko ubu umuntu anywa litilo 59 ku mwaka.

Kayisinga avuga ko ukurikije imibare FAO itanga u Rwanda ntaho ruragera mu bijyanye no kunywa amata kimwe n’ibindi bihugu byo munsi y’ubutayu bwa Sahara kuko umuntu umwe asabwa kunywa litilo 120 ku mwaka.

U Rwanda rwifuza kurenga iyo mibare kuko hari gahunda nyinshi zatangijwe nka Gahunda ya Girinka.

Abashoramari bazerekwa amahirwe ahari

Umuyobozi mukuru w’Ihuriro Nyafurika ry’Aborozi (ESADA) Florence Muusime Umurungi yabwiye abanyamakuru ko hari ikipe izajya gusura ahantu hatandukanye mu rwego rwo kureba amahirwe yo gushora imari ari mu gihugu.

Umurungi avuga ko uyu muryango utumira abantu washyizemo imbaraga mu gutumiza abanyamafaranga kugira ngo barebe, bumve nibasubira iwabo bagaragaze ibyifuzo byabo by’uko bashora imari mu Rwanda.

Umuryango ESADA ugizwe n’ibihugu 12 birimo ibyo muri EAC na SADEC gahunda ugamije guteza imbere ubucuruzi bw’amata n’ibiyakomokaho muri ibi bihugu ariko cyane cyane ukibanda abari mu bworozi bw’amata y’inka buciriritse kugira ngo bashobore kuzamurwa.

Iyi nama igiye kubera mu Rwanda ku iterambere ry’amata izatangira tariki 31 Kanama kugeza tariki 2 Nzeri 2016, izabera muri Kigali Convention Center imyiteguro yayo ikaba ikorwa na Minisiteri y’Ubuhinzi n’Ubworozi ndetse n’ihuriro ry’abafite akazi gafitanye isano n’amata mu Rwanda RNDP (Rwanda National Dairy Platform.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.