2017-07-23 11:30:24 clouds 27o High | Kigali Rwanda

Dukurikire:
 
 

U Rwanda rugiye kunguka kaminuza eshatu zigisha ubuganga

Yanditswe na IMVAHO NSHYA

Kuya 2016-05-25 06:59:27

 
Share on:
 
Yasuwe:39
 
Yavuzweho:200
 
10
 
10

Minisiteri y’Ubuzima ivuga ko ikibazo cy’ubuke bw’abaganga kiri mu mavuriro n’ibitaro bitandukanye mu gihugu mu myaka mike kigiye kubonerwa umuti binyuze mu kongera umubare w’abiga uwo mwuga.

Dr. Binagwaho avuga ko umuti w’iki kibazo witezwe kuzavugutirwa muri kaminuza nshya eshatu zigiye gutangira kwigisha amasomo y’ubuganga mu gihe gito kiri imbere, zikaza zunganira izindi za Leta zisanzwe zigisha abaganga mu byiciro bitandukanye.

Ubusanzwe kaminuza y’u Rwanda yakiraga abanyeshuri bagera ku 100; byitezwe ko izo kaminuza eshatu nizitangira gutanga amasomo umubare w’abanyeshuri batangira umwaka uzikuba gatatu ukagera kuri 300 buri mwaka.

JPEG - 206.3 kb
Minisitiri Binagwaho

Iyi nzira ni yo minisitriri abona izafasha igihugu kongera umubare w’abaganga ku bitaro bigera muri 40 no ku bigo nderabuzima bisaga 400 bakiri bake ukurikije umubare w’abaganga bari mu gihugu n’abarwayi bakira buri munsi.

Binagwaho asanga kandi izo kaminuza zizasubiza impungenge ziri kugaragazwa n’ibitaro ko abaganga bamwe basezera mu bitaro bya Leta bakajya kwikorera, mu buryo bwo kubona umushahara bifuza.

Yagize ati “Turabizi ko bumwe mu buryo bwo kubaka umwuga ari ukwigisha benshi bashoboka.”

Kaminuza zitezweho kongera umubare w’abakora umwuaga w’ubuganga zirimo ebyiri zisanzwe zikorera mu Rwanda zigisha amasomo atandukanye, zikaba ariko by’umwihariko zitegura gutangiza amashami yigisha ubuganga.
Ku ikubitiro haza kaminuza yigenga ya Kigali (ULK), ifite gahunda yo gutangira gushyiraho ishami ry’ubuganga.

Na Kaminuza y’Abalayiki b’Abadivantisiti b’Umunsi wa Karindwi (AUCA). Iyi yo yamaze no kugaragaza ibyangombwa ko yiteguye gutangira gukorera mu ntara y’Uburasirazuba.

Hari kandi University of Global Health Equity; ni kaminuza nshya yamaze kwemererwa gutangiza amasomo y’ubuganga mu Rwanda, ikaba yitegura gutangira kubaka.

Minisitiri w’ubuzima yemeza ko mu gihe izo zose zatangiye gutanga amasomo y’ubuganga n’ubwo bizasaba imyaka igera muri 6, nyuma bizatanga umuti urambye ku buvuzi mu Rwanda.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE