Advertisement
 
 
 
 
 
 
 
 

Amakuru | Mu Rwanda

U Rwanda rugiye kugenzurwa ku myanzuro rwahawe na Loni   

  Yanditswe na NTAWITONDA JEAN CLAUDE
 April 2016

 
 

Sosiyete sivile yatangaje ko igiye guherekeza Leta y’u Rwanda mu ishyirwa mu bikorwa ry’imyanzuro ngishwanama y’isuzuma rusange ngarukagihe mpuzamahanga (UPR) igera kuri 50 yemejwe gushyirwa mu bikorwa mu gihe cy’imyaka ine guhera mu mwaka wa 2015.

Ihuriro ry’imiryango utanga ubufasha mu by’amategeko (LAF) yatangaje ko rigiye
gutegura ingamba zihamye mu gufasha u Rwanda gushyira mu bikorwa byihuse iyi myanzuro ijyanye n’iyubahirizwa ru’uburenganzira bwa muntu.

Sosiyete Sivile yiyemeje kugenzura uko u Rwanda rushyira mu bikorwa imyanzuro rwiyemeje

Mu nama yahuje abagenerwabikorwa ba LAF kuri uyu wa Kabiri tariki 19 Mata 2016 hasuzumwa ishyirwa mu bikorwa ry’iyi myanzuro, Umuyobozi w’iri huriro Kananga Andrew, yahamije ko bo nka Sosiyete Sivile bagiye gushyiraho amatsinda akurikirana uko Leta iharanira kubahiriza ibyo yiyemeje gukora nta gitutu ishyizweho.

Kananga yagize ati “Gahunda dufite ni uko tuzashyiraho amatsinda ane azakurikirana buri cyiciro cy’uburenganzira bwa muntu. Niba bavuze ngo Uburezi kuri bose tuzaba dufite itsinda ribikurikirana rikusanya amakuru umunsi ku munsi noneho tugende dusharinga amakuru na Leta.”

Ni uburyo ibihugu bigize umuryano w’Abibumbye bisuzumana kugira ngo barebe uko uburenganzira bwa muntu beubahirizwa.

Umuyobozi w'Ihuriro ry'Imiryango itanga ubufasha mu by'amategeko, Kananga Andrew

Ubwo u Rwanda rwasuzumwaga mu Gushyingo 2015, ibihugu bigize Umuryango w’Abibumbye byagaragaje imyanzuro 229, u Rwada rusanga igera ku 102 isanzwe ikorwaho rusanga ikenewe gusuzumwa ari 50.

Kananga yakomeje avuga ko ishingano yacu ni ugufatanya na Leta, ati "kugira ngo tujye tubabwira tuti ‘nyabuneka mumenye ko buri nyuma y’imyaka ine tuzasubira muri Loni. Mwemeye ibi tuzakomezanya ibi n’ibi, kuko natwe tuzatanga Raporo tuvuga ngo Leta ibyo yemeye ni ibi ibyo yagezeho ni ibi.”

U Rwanda rwasuzumwe nyuma y’imyaka ine rwari rumaze rushyira mu bikorwa indi myanzuro 67 yatanzwe mu mwaka wa 2011.

Minisiteri y’Ubutabera igaragaza ko u Rwanda rwagaragajwe nk’igihugu cyihuta mu gushyira mu bikorwa ibijyanye n’uburenganzira bwa muntu cyane cyane mu bijyanye mu guharanira imibereho ye myiza nk’uburezi kuri bose, gukwiza amazi meza, kwihaza mu biribwa, ubuzima, ibidukikije, gutura heza n’ibindi.

Ambasade y’u Bubiligi mu Rwanda ikomeje gutera inkunga iki gikorwa hagamijwe guharanira ko imyanzuro yemewe yose ishyirwa mu bikorwa mbere y’uko imyaka ine irangira.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.