Advertisement
 
 
 
 
 
 
 
 

Amakuru | Mu Rwanda

U Rwanda rufite amazi ahagije ariko acungwa nabi - Dr. Vincent BIRUTA   

  Yanditswe na Niyonsenga Schadrack
 March 2016

 
 

Minisitiri w’Umutungo Kamere Dr. Vincent Biruta ahamya ko u Rwanda rufite amazi ahagije ariko, kuyacunga nabi bigatuma abaturage benshi bayabura, ndetse bamwe bakavoma ibirohwa.

Yabitangaje ku wa kabiri ku ya 22 Werurwe ubwo yatangizaga icyumweru mpuzamahanga cyahariwe amazi, aho yavuze ko akurikije amazi ari mu Rwanda, buri muturage yakagombye gukoresha meterokibe 1000 ariko kuri ubu buri muntu akaba afite meterokibe 640 gusa.

Ati “Ubundi mu Rwanda dufite amazi ahagije ariko bitewe n’uburyo acungwamo ntabwo Abanyarwanda twavuga ko bafite amazi ahagije. Ubundi umuturage aba akwiye kubona byibura m3 1000 zo gukoresha mu bikorwa bitandukanye yaba mu rugo ndetse no mu buhinzi ariko ubu uyu munsi dufite m3 670 kuri buri muturage.”

JPEG - 227.4 kb
Minisitiri Dr.Vincent Biruta yerekwa ibikoresho bitandukanye byifashishwa mu kwita ku mazi

Bimwe mu bibazo by’ingutu birebana n’amazi bibangamira abaturage mu Rwanda byiganjemo ibura ry’amazi rya hato na hato , imigezi iri kure y’abaturage cyane cyane mu cyaro aho usanga abaturange bavoma ndetse bagakoresha amazi y’ibidendezi cyangwa imigezi batazi aho ituruka n’imyaka yumagara kubera izuba rikarishye.

Minisitiri Biruta yongeyeho ko hakiri inzira ndende kugira ngo buri munyarwanda abone amazi ahagije, ariko ko Leta yiyemeje kongera amazi akoreshwa mu gihugu mu myaka mike.

Ati” Dushaka ko amazi y’imvura atongera kuducika ahubwo tukayafata, imigezi nayo ntiducike ngo yigendere.”

Hari ikizere ko ibibazo birebana n’amazi byose bishobora gukemuka bitarenze mu mwka wa 2018 binyuze mu gufata neza amazi u Rwanda rusanganwe.

Mu cyumweru cyahariwe kwita ku mazi u Rwanda rwateguye ibikorwa by’ubukangura mbaga bishishikariza abaturage kwita ku mazi.

Iki cyumweru cyateguwe na Minisiteri y’Umutungo Kamere mu Rwanda hamwe n’ikigo cya Water for Growth gikorera muri iyi minisiteri n’abandi bafatanyabikorwa batandukanye.

 

Comments

 
 
REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Polisi yafashe batandatu bacuruza ibiyobyabwenge mu turere dutandukanye
Polisi yafashe batandatu bacuruza ibiyobyabwenge mu turere dutandukanye

Mu gihe Polisi y’u Rwanda ikomeje imikwabu yo gufata no guhana abacuruza n’abinjiza ibiyobyabwenge mu Rwanda, kuri uyu wa mbere tariki ya 13 Werurwe yafashe abantu 6, ibafatira mu turere twa (...)

 Abaturage barasabwa kugana inzu zitanga ubufasha mu by’amategeko
Abaturage barasabwa kugana inzu zitanga ubufasha mu by’amategeko

Yankurije Odette, Umuyobozi mukuru muri Minisiteri y’Ubutabera ushinzwe kwegereza abaturage ubutabera, asaba abaturage kujya bagana ibiro bitanga ubufasha mu by’amategeko haba mu gihe gisanzwe no (...)

Kaminuza ya Kigali yahaye impamyabumenyi abanyeshuri 673
Kaminuza ya Kigali yahaye impamyabumenyi abanyeshuri 673

Ku nshuro ya kabiri, Kaminuza ya Kigali (University of Kigali) yashyikirije impamyabumenyi abanyeshuri bayo 673 barangije icyiciro cya kabiri cya kaminuza mu mashami atatu n’abo mu bindi byiciro (...)

Imishinga y’ikoranabuhanga igamije iterambere ry’abagore yahembwe
Imishinga y’ikoranabuhanga igamije iterambere ry’abagore yahembwe

Umuryango DOT Rwanda wahembye imishinga y’ikoranabuhanga rigamije guteza imbere imibereho y’abagore, muri gahunda yo kwizihiza umunsi mpuzamahanga w’umugore, wizihizwa tariki ya 8 Werurwe buri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.