Advertisement
 
 
 
 
 
 
 
 

Amakuru | Mu Rwanda

U Rwanda n’ibindi bihugu bya Afurika 7 bigiye guhuza ikirere   

  Yanditswe na HERVE UGIRUMUKUNDA
 6 May

 
 

U Rwanda, Nigeria, Misiri, Maroc, Ethiopia, Kenya, Afurika y’Epfo na Zimbabwe bigiye guhuza isoko ry’ubwikorezi bwo mu ndege.

Ni mu rwego rwo gushyira mu bikorwa amasezerano ya Yamoussoukro ahamagarira ibihugu bya Afurika gufungura imipaka y’ibirere, ingendo z’indege zikiyongera ndetse, na kompanyi z’indege zikungukira ku gukorera mu bindi bihugu.

Umunyamabanga mukuru w’ishyirahamwe rya kompanyi z’indege muri Afurika (AFRAA), Elijah Shingosho, yavuze ko muri Mutarama 2017, ibyo bihugu bitanu n’u Rwanda bizaba byamaze guhuza ibirere.

Bivuze ko kompanyi z’indege zo muri ibyo bihugu bizaba bifite uburenganzira bwo guhangana ku isoko aho bishatse.

JPEG - 113.2 kb
U Rwanda ruzungukira mu ihuzwa ry’ibirere by’ibihugu bya Afurika

Shingosho avuga ko mu myaka itanu iri imbere urwego rw’ubwikorezi bwo mu ndege muri Afurika buzaba bwikubye kabiri.

Yongeyeho ko ibyo bihugu umunani byihariye 85% by’ingendo z’indege ku mugabane wose byiyemeje gufungurira imipaka kompanyi z’indege zo mu bindi bihugu.

Ati”Nigeria, Misiri, Ethiopia, Morocco, Kenya, Afurika y’Epfo, u Rwanda na Zimbabwe byiteguye gushyira hamwe. Mu mpera za Mutarama 2017 tuzaba twamaze guhuza isoko ry’ingendo z’indege muri Afurika.”

Umuyobozi wa AFRAA avuga ko imbogamizi igihari ari iy’ibihugu bigitinya ko kompanyi zabyo z’indege zihangana n’iz’amahanga kubera ubushobozi buke n’imikorere mibi.

Ati ariko “ Turi kugerageza kumvisha za guverinoma ko guhangana ari kwiza kuri buri wese kuko bituma ibitagenda neza bikosorwa.”

U Rwanda rufite kompanyi y’indege imwe, RwandAir, ikorera muri Afurika n’Uburasirazuba bwo hagati, ifite gahunda yo gukomeza kwagurira ingendo zayo muri Aziya n’u Burayi.

 

Comments

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.