Advertisement
 
 
 
 
 
 
 
 

Amakuru | Mu Rwanda

U Rwanda mu bihugu 5 birya inyama nke ku Isi !   

  Yanditswe na IMVAHO NSHYA
 September 2016

 
 

U Rwanda rwagaragaye mu bihugu bitanu birya inyama nke ku Isi mu bushakashatsi bwakoze n’ikinyamakuru The Telegraph cyo mu Bwongereza bwashyizwe ahagaragara muri Gicurasi 2016.

Muri ubwo bushakashatsi bigaragara ko Umunyarwanda umwe arya ibiro bigera kuri bine mu mwaka. Ibindi bihugu birya inyama ku rugero rumwe n’u Rwanda ni u Buhinde, u Burundi, Sri Lanka, Eritrea, Mozambique, Gambia na Malawi.

Kuba ibi bihugu bitarya inyama bijyanye no kuba bitanafite abaturage bafite umubyibuho ukabije. Ubwo bushakashatsi bwanerekanye ko ibihugu bifite abaryanyama benshi binafite umubare munini w’abarwaye umubyibuho ukabije.

Ibyo ni Leta Zunze Ubumwe za Amerika, Kuwait, Bahamas, New Zealand na Australia. Bahamas, Luxembourg, New Zealand, Austria, Polynesie Francaise, Bermuda, Argentina n’u Bwongereza.

JPEG - 220.8 kb
Inyama zitukura zizirana zitera indwara z’umutima

Ishami ry’Umuryango w’Abibumbye ryita ku buzima rivuga ko Umunyamerika umwe(USA) arya ibiro 120 by’inyama ku mwaka, Abanya Mexico bakarya ibiro 63.5, Abongereza 84.2.

Amatungo yo mu Rwanda akoreshwa byinshi, si ayo kuribwa gusa

Uretse inka, Abanyarwanda batunze ihene, intama, ingurube, inkoko, ibishuhe, dendo, sumbirigi, …

Izi nyamaswa zose akenshi ntibazorora ngo bazirye gusa , zinabereyeho gutanga ifumbire. Amatungo magufi nk’ihene, ingurube n’intama atanga ifumbire ikungahaye cyane ikuza ibihingwa by’ibinyampeke.

Naho amatungo nk’inkwavu n’inkoko agira ifumbire ituma imboga zishisha cyane. Inka yo rero Abanyarwanda bayororera ‘amata’ kurusha ifumbire.

Kuva kera mu muco Nyarwanda, umutungo w’umuryango wabarwaga mu itungo ‘inka’ ndetse no kuri ubu impano iruta izindi mu bukwe ni inka, niyo nkwano.

Kuva muri 2006 Leta y’u Rwanda yatangije gahunda yo kurwanya imirire mibi mu bana no kuzamura ubukungu bw’imiryango ikennye. Muri yo gahunda buri muryango ukennye uhabwa inka bikongera amata n’ifumbire, umusaruro ukiyongera, igihugu kikunguka.

Gahunda ya Girinka yahinduye imibereho y’imiryango nyarwanda inafasha kugabanya ubukene mu Gihugu mu buryo bugaragara. Iyi gahunda yazamuye imirire myiza, kwihangira imirimo, yafashije mu kongera umusaruro mu buhinzi kubera gukoresha ifumbire ituruka ku matungo.

Kugeza ubu imiryango irenga 200 000 yabonye inka binyuze muri Gahunda ya Girinka kandi hariho imiryango myinshi igihanze amaso gahunda ya Girinka kugirango ibyiza byiyi gahunda babagereho.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.