2017-06-22 17:42:31 clouds 27o High | Kigali Rwanda

Dukurikire:
 
 

U Burundi ntibwitabiriye imikino ya gisirikare ya EAC igiye kubera mu Rwanda

Yanditswe na IMVAHO NSHYA

Kuya 2016-08-07 12:41:50

 
Share on:
 
Yasuwe:3
 
Yavuzweho:200
 
10
 
10

U Burundi ntiburitabira mu mikino ya gisirikare n’iserukiramuco birahuriza ibihugu bigize umuryango wa Afurika y’Uburasirazuba mu Rwanda kuva ejo ku ya 8 Kanama 2016.

Mu kiganiro n’itangazamakuru, Umugaba w’Ingabo z’u Rwanda, Gen. Patrick Nyamvumba yavuze ko amakipe y’ingabo z’u Burundi yasabye igihe gihagije cyo kwitegura ariko ibindi bihugu bizitabira imikino bigasanga yarakererewe.

Yasobanuye ko ubusanzwe iyo igihugu gifite ikibazo kijyanye no kwitabira iyo mikino kibisaba ibindi bihugu bine bigize EAC bikabyigaho biri kumwe. Ariko ngo u Burundi bwabisabye andi amakipe yaramaze gushyiraho itariki imikino izaberaho.

U Burundi kandi buherutse gutumiza ikitaraganya intumwa zabwo zari mu nama y’Umuryango w’Ibihugu bya Afurika, AU yabereye i Kigali muri Nyakanga.

Nyuma yaho Minisitiri w’Ububanyi n’Amahanga w’iki gihugu, Alain Nyamitwe yavuze ko bazitumijeho kuko batari bizeye umutekano wazo mu Rwanda. Ibi byatumye benshi banenga icyo cyemezo kuko u Rwanda rwari rwakiriye abakuru b’ibihugu babarirwa muri 35 kandi ntihagira utaka kubura umutekano.

Ibindi bihugu byatangiye kugera mu Rwanda

Umuvugizi w’igisirikare cy’u Rwanda, Lt. Col. Ngendahimana, yasobanuye ko abashyitsi bazitabira iyo mikino bagera kuri 500 bo bihugu bitanu bya EAC (U Rwanda, u Burundi, Uganda , Kenya na Tanzania).

Lt. Ngendahimana yanaboneyeho gusaba Abanyarwanda kuzaza ari benshi muri ibi birori bizaba binarimo ibigaragaraza umuco wa buri gihugu bikanagaragaza ubusabane n’imikoranire myiza mu basirikare b’ibihugu bya EAC.

Ati ’’Byose byarateganyijwe. Mbese imikino yarateguwe ku buryo buhagije, icyo dusaba abanyarwanda ni ukuyitabira ku bwinshi cyane cyane ko ibereye iwacu tukagaragariza abo bashyitsi ko tubishimiye, tukaba twishimiye umubano n’ibihugu bya EAC , tukishimira kwegerana kwacu tukanashyigikira ingabo zacu cyane ko kwinjira bizaba ari ubuntu’’.

U Rwanda ruzahagararirwa mu byiciro bitanu aribyo, umupira w’amaguru w’abagabo, Basketball y’abagabo, Handball y’abagabo , Netball y’abagabo no kwiruka mu bagabo n’abagore.

JPEG - 227.7 kb
Ikipe ya APR FC izahagararira u Rwanda mu mupira w’amaguru yiteguye kwitara neza (Foto Bugingo F)

Biteganyijwe ko umupira w’amaguru uzajya ubera kuri Sitade Amahoro na Sitade ya Kigali, Basketball, Handball na Netbball nabyo bibere kuri Sitade Amahoro mu gihe gusiganwa bizabera kuri IPRC ya Kigali.

APR FC, izakina na Ulinzi ya Kenya ku mukino ubanza ku cyumweru taliki 07 Kanama 2016, yamaze gushyira ahagaragara urutonde rw’abakinnyi 21 izifashisha muri iyi mikino. Uru rutonde ntirugaragaraho abakinnyi bashya nka Ngabo Mucyo Freddy wavuye muri AS Muhanga na Mustafa Hassan Omar wavuye i Burundi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE