Advertisement
 
 
 
 
 
 
 
 

Amakuru | Mu Rwanda

U Burayi bwashimye imibereho y’imfungwa n’abagororwa mu Rwanda   

  Yanditswe na MUHIZI ELISÉE
 May 2016

 
 

Ambasaderi w’ibihugu by’i Burayi mu Rwanda Michael Ryan na Frederic De Man uhagarariye u Buholandi, basuye gereza y’akarere ka Muhanga, bishimira ko imibereho y’imfungwa n’abagororwa imeze neza.

Aba ba ambasaderi bavuze ko mu myaka ya za 1997, imfungwa n’abagororwa bo mu Rwanda bari babayeho mu buzima budashimishije, cyane cyane mu bijyanye n’ubucucike, ariko ubu ngo imibereho yabo yabaye nta makemwa.

Muri uru ruzinduko babanje gusura ibice bitandukanye bya gereza ya Muhanga, birimo ahari abana bafunganywe n’ababyeyi babo batarageza imyaka itatu y’amavuko, igikoni, aho bororera amatungo magufi n’amaremare, n’ahandi.

Ambasaderi Michael Ryan, yashimangiye ko mu ngendo bamaze iminsi bakorera hirya no hino mu Rwanda, basura abagororwa, basanze mu Rwanda ubuyobozi bwitaye ku mibereho myiza y’imfungwa n’abagororwa, ku buryo bukwiye kubera isomo ibindi bihugu.

JPEG - 228.5 kb
Ba ambasaderi n’abayobozi ba gereza ya Muhanga mu ifoto y’urwibutso (Foto Muhizi E)

Ryan yakomeje avuga ko umuryango ahagarariye mu Rwanda utazahwema gutera inkunga ibikorwa by’iterambere mu Rwanda, birimo no guteza imbere amagereza.

Ambasaderi w’u Buholandi mu Rwanda, we yagaragaje ko ubwo basuraga u Rwanda mu mwaka wa 1997 basanze imfungwa ziri ahantu hafunganye, ariko ngo ubu yashimishijwe cyane n’uburyo abafungiwe mu magereza y’u Rwanda bameze neza.

Yagize ati:«Nimbona umwanya wo gusubira iwacu nzabwira Minisitiri w’ubutabera ibyiza nasanze mu magereza y’u Rwanda.»

Supt. Rudakubana Christophe, umuyobozi wa gereza ya Muhanga, yasobanuye ko mu gushyira mu bikorwa amategeko u Rwanda rwiyemeje, bakora ibishoboka byose ngo ubuzima bw’abafunzwe bumere neza kandi uburenganzira bwose bagenerwa n’amategeko babuhabwe.

Gereza ya Muhanga ifungiyemo imfungwa n’abagororwa 3936, muri bo abagabo ni 3494, abagore bakaba bagera ku 432, mu gihe abana ari 10.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.