Advertisement
 
 
 
 
 
 
 
 

Amakuru | Mu Rwanda

U Bufaransa butange impozamarira, ibizu bya Kabuga babigurishe – Dr. Dusingizemungu   

  Yanditswe na UMUHIRE K. SAIDATH
 June 2016

 
 

Umuryango Ibuka uharanira inyungu z’abarokotse Jenoside yakorewe Abatutsi mu 1994,uvuga ko ugiye gusaba Umuryango w’Abibumbye gushyiraho ikigega mpuzamahanga kizakusanyirizwamo impozamarira n’imitungo y’abakoze Jenoside, kigafasha imiryango y’abiciwe kwiteza imbere.

Mu muhango wo kwibuka abari abacuruzi bazize Jenoside mu mujyi wa Huye wahoze witwa Butare, Perezida wa Ibuka Dr. Jean Pierre Dusingizemungu yavuze ko bitumvikana ukuntu imiryango y’abari abacuruzi yananiwe gusana inzu bakoreragamo, bikaba bituma uyu mujyi utagaragara neza.

Yagize ati “Ntibyumvikana ukuntu amazu aba twibuka bakoreragamo abo basize bananiwe kuyasana, Akarere kakaba kirirwa kandikaho towa nyamara twagombye kubibonera umuti.”

JPEG - 192.1 kb
Perezida wa Ibuka, Dr. Jean Pierre Dusingizemungu

Uyu muryango uvuga ko cyo kigega cyakusanyirizwamo imitungo y’abakoze Jenoside bagahunga n’ibihugu byayigizemo uruhare nk’u Bufaransa n’Umuryango w’Abibumbye watereranye u Rwanda muri Jenoside nabyo bigasabwa kugira icyo bitanga kugira ngo iyo gahunda ishoboke.

Ati “Nihageho icyo kigega, Loni ishyiremo amafaranga irayafite kandi yemeye ko Jenoside yakorewe Abatutsi yabaye. U Bufaransa bushyiremo amafaranga, ibizu bya Kabuga babigurishe bishyiremo amafaranga, hanyuma turebe ko iryo terambere ridashoboka.”

Uyu muyobozi wa Ibuka avuga ko iki kigega kitagamije gutanga amafaranga y’ubusa ku barokotse Jenoside, ko ahubwo ari uburyo bwo gufasha abafite ubushobozi buke n’abatabufite gukora ibikorwa bibateza imbere.

Ati “Nta bwo dusabiriza, nta n’ubwo tuvuga ngo babahe amafaranga y’ubuntu. Ahubwo turasaba indishyi kandi zemewe n’amategeko.”

Umuryango Ibuka ariko uvuga ko iki kigega nta ho cyaba gihuriye n’Ikigega cya leta gisanzwe gifasha Abarokotse Jenoside Batishoboye, FARG, kuko iki cyo ngo cyajya gifasha abarokotse bose muri rusange baba abatishoboye n’abishoboye kandi kikaba mpuzamahanga (International Trust Fund for Survivors).

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.