Advertisement
 
 
 
 
 
 
 
 

Amakuru | Mu Rwanda

Trump yatsinze amatora, Clinton yatsinzwe; bivuze iki ku Rwanda?   

  Yanditswe na NDAMAGE FRANK
 4 months ago

 
 

Abayobozi mu nzego za Leta, abanyamategeko, impuguke mubya Politiki mpuzamahanga, abacuruzi nyarwanda basobanuye uko zibona umusaruro w’amatora muri Leta Zunze Ubumwe za Amerika n’icyo bisobanuye ku Rwanda.

Abahagarariye abandi bavuganye na Imvaho Nshya bahuriza ku kuba umusaruro w’amatora muri iki gihugu ari amahitamo y’Abanyamerika kandi bafite impamvu nyamukuru yabateye guhitamo muri iyo nzira.

Mu ijambo Trump akimara gutora yashimangiye ko aje guharanira ubumwe atazigera ashyigikira amacakubiri. Intsinzi ye yishimiwe n’abakuru b’ibihugu batandukanye ku Isi bagaragaza ko biteguye gukomeza umubano mwiza basanzwe bafitanye n’iki gihugu, n’aho bitagenda neza bikavugururwa.

Ibitekerezo bya benshi mu banyarwanda basobanukiwe ibya Politiki mpuzamahanga bagaragaje ko bishimiye intsinzi yaturutse ku mahitamo y’Abanyamerika ubwabo ndetse ngo bizeye ko Amerika izakomeza kuba igihugu gikorana neza n’amahanga.

Prof. Shyaka Anastase

Abanyamerika ni bo batoye, aya ni amatora y’Abanyamerika ni bo bazi icyo bashaka kandi nicyo demokarasi ivuze ubu icyo abantu bo hanze ya Amerika bakora ni ugushimira uwatowe. Hari abishima hakaba abimyoza ariko abaturage ba Amerika ni kuriya bahisemo. Gusa n’uwashaka yakwihanganisha uwatsinzwe.

Sheikh Abdul Karim Harerimana

Politiki ya Amerika ni imwe haba mu rwego rw’ubucuruzi iba yerekana imbaraga, muri politiki ni uko. Politiki y’amahanga ntijya ihinduka. Obama aza yavuze ko agiye guhindura politiki ariko ng’iyo Guantanamo arayisize, ingabo z’Amerika ziracyari muri Afganistan, Iraq, ndetse ahubwo yafunguye n’ahandi nka Libiya na Syria. U Rwanda ruguma rureba ibyarwo ahubwo rukabagira inama yo kutivanga mu byarwo.

Dr. Kayumba Christopher

Trump no mu mvugo ye yagaragaye nk’umuntu udashaka kwinjira muri politiki y’ibindi bihugu abyigisha demokarasi yewe avuga no ku Bushinwa n’u Burusiya yavugaga ko ashaka gukorana nabo, yashimangiye ko azakorana n’ibihugu bishaka gukorana nawe.

Ku Rwanda ntacyo rwahombye kuko ikigaragara kuri Trump ni uko ari umuntu ushaka ko ibihugu bikorana mu bucuruzi kandi ngo akaba atemera “Free trade”

Oscar Kimanuka

Nta cyahinduka kuri politiki hagati y’u Rwanda na Amerika Trump yahinduye imvugo uko yavugaga yiyamamaza yarahinduye ubu ntacyo umuntu yashakisha ibyo yavugaga mbere byari mu rwego rwo kwiyamamaza.

Me Nkongori Laurent

Perezida nzi neza uvuga ibintu akabishyira mu bikorwa ni Kagame. Icyo umuntu yakora ubu ni ugukurikirana uko Trump azashyira abayobozi mu myanya. Jye si nari mfite kuvuga ngo nshyigikiye uyu cyangwa uriya. Reka rero tuzarebe uko azakorana n’abavuga rikijyana. Naho ubundi icyo bashyira imbere ni inyungu zabo iz’abandi ziza nyuma. Namara kureba politiki z’Akarere azakorana natwe byanze bikunze.

Nkuranga John, J. B. Hategekimana Abacuruzi muri Kigali…

Twishimiye kubona umuntu w’umucuruzi nkatwe ayobora igihugu nka Amerika twari tuzi ko politiki ari iya abanyapolitiki gusa turanezerewe pe buriya tugiye kwagurira ubucuruzi bwacu muri Amerika.

 

Comments

 
 
Kaminuza ya Kigali yahaye impamyabumenyi abanyeshuri 673
Kaminuza ya Kigali yahaye impamyabumenyi abanyeshuri 673

Ku nshuro ya kabiri, Kaminuza ya Kigali (University of Kigali) yashyikirije impamyabumenyi abanyeshuri bayo 673 barangije icyiciro cya kabiri cya kaminuza mu mashami atatu n’abo mu bindi byiciro (...)

Imishinga y’ikoranabuhanga igamije iterambere ry’abagore yahembwe
Imishinga y’ikoranabuhanga igamije iterambere ry’abagore yahembwe

Umuryango DOT Rwanda wahembye imishinga y’ikoranabuhanga rigamije guteza imbere imibereho y’abagore, muri gahunda yo kwizihiza umunsi mpuzamahanga w’umugore, wizihizwa tariki ya 8 Werurwe buri (...)

Umukobwa aterwa  inda agacibwa, umuhungu wayiteye agashimwa - Min. Nyirasafari
Umukobwa aterwa inda agacibwa, umuhungu wayiteye agashimwa - Min. Nyirasafari

Minisitiri w’Uburinganire n’Iterambere ry’Umuryango, Nyirasafari Esperance, arasaba ko imyumvire y’uko umukobwa aterwa inda akagirwa igicibwa mu muryango mu gihe umuhungu wayiteye we abishimirwa (...)

Ingabo z’u Rwanda zarangije gusimburana mu butumwa bw’amahoro muri Centrafrique
Ingabo z’u Rwanda zarangije gusimburana mu butumwa bw’amahoro muri Centrafrique

Ingabo z’u Rwanda zasoje igikorwa cyo gusimbuza abasirikare bari mu butumwa bw’amahoro muri Santarafurika zatangiye ku itariki 28 Gashyantare 2017. Batayo ya 13 y’Ingabo z’u Rwanda yasimbuye iy’ 101 (...)

Musanze: Batandatu bafungiwe kwiba ibikoresho by’amashanyarazi
Musanze: Batandatu bafungiwe kwiba ibikoresho by’amashanyarazi

Abagabo batandatu bafungiwe kuri Sitasiyo ya Polisi y’u Rwanda ya Muhoza mu karere ka Musanze nyuma yo gufatanwa ibikoresho bitandukanye by’amashanyarazi bibye mu minsi ishize. Umuvugizi wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.