2017-10-17 06:58:11 clouds 27o High | Kigali Rwanda

Dukurikire:
 
 

Transform Africa 2017 igiye guhuriza abakuru b’ibihugu n’imijyi bya Afurika mu Rwanda

Yanditswe na IMVAHO NSHYA

Kuya 2017-05-09 14:45:48

 
Share on:
 
Yasuwe:365
 
Yavuzweho:200
 
10
 
10

Inama mpuzamahanga ku ikoranabuhanga Transform Africa 2017 izatangira ejo ku wa 10 Gicurasi 2017, izitabirwa na bamwe mu bakuru b’ibihugu bya Afurika n’abafasha babo.

Iyo nama kandi izahuza n’abayobozi b’imijyi yo ku mugabane wa Afurika 300 nk’uko abashinzwe kuyitegura babitangaje.

Ejo, Perezida wa Repubulika y’u Rwanda, Paul Kagame ni umwe mu bakuru b’ibihugu bazatanga ikiganiro ku nsanganyamatsiko yo kubaka imijyi igezweho muri Afurika no kuyibyaza umusaruro« Harnessing potential of smart cities for Africa. »

JPEG - 71.4 kb
Perezida Kagame mu nama ya Transform Africa mu mwaka ushize

Azagaruka ku kamaro k’imijyi igezweho nka bumwe mu buryo bwo gufasha abaturage kugerwaho n’ikoranabuhanga rigamije guhanga udushya n’impinduka nziza ku mugabane wa Afurika muri rusange.

Abitabiriye iyo nama bazamurikirwa ibyo guverinoma y’u Rwanda imaze kugeraho mu ikoranabuhanga n’uruhare rwa ba rwiyemezamirimo bahanze udushya tw’imishinga y’ikoranabuhanga.

Hazagaragazwa kandi inzitizi zikibangamira ikoranabuhanga muri Afurika, n’ibitekerezo ku kugeza murandasi kuri bose.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE