2017-06-27 13:41:38 clouds 27o High | Kigali Rwanda

Dukurikire:
 
 

Sena yakemanze ireme ry’uburezi mu ikoranabuhanga

Yanditswe na IMVAHO NSHYA

Kuya 2016-07-28 05:19:09

 
Share on:
 
Yasuwe:2
 
Yavuzweho:200
 
10
 
10

Itsinda ry’abasenateri bagize Komisiyo y‘iterambere ry’ubukungu n’imari, risanga ireme ry’uburezi riri hasi mu birebana n’ikoranabuhanga mu bana b’abanyarwanda, ari kimwe mu bihangayikishije inzego zinyuranye zaba iza Leta n’abikorera ahanini bagaragaza ko bataha akazi umuntu udafite ubumenyi buhagije.

Mu gihe Abasenateri muri Komisiyo y’Iterambere ry’ubukungu n’imari basuzumaga ibyagezweho muri gahunda za Leta zijyanye n’Ikoranabuhanga n’isakazabumenyi, bavuze ko basanze abenshi mu banyeshuri bajya gusaba kwiga muri Kaminuza nka Carnegie Mellon baba badafite ubumenyi bw’ibanze mu ikoranabuhanga (ICT).

Senateri Karangwa Chrysologue agaruka ku ngero za zimwe muri kaminuza basuye bakagaragarizwa bimwe muri ibyo bibazo ati “ Twasuye Kaminuza ya Carnegie Mellon aho ikorera, bamwe mu bayobozi bayo, batangaje ko ikibazo gikomeye bahura na cyo ari uko Abanyarwanda basaba kujya kwigayo nta bumenyi bw’ibanze bafite mu ikoranabuhanga n’isakazabumenyi bafite.”

JPEG - 63.5 kb
Abagize Komisiyo y’iterambere ry’ubukungu muri Sena

Akomeza avuga ko iki kibazo ari kimwe mu byabateye gukemanga ubumenyi bakura aho baba bize mbere, kuko binagira ingaruka kuri bamwe muri bo batsindwa ibizamini.

Ibibazo mu nteganyanyigisho

Senateri Karangwa yanasobanuye ko mu biganiro Komisiyo yagiranye n’abafite za Kaminuza mu Rwanda, basanze hakiri ibibazo mu myigishirize y’integanyanyigisho, bityo, bigatuma nta bumenyi fatizo buhari umwana wasoje amasomo muri izo kaminuza aba afite.

Ati “Twaganiriye na za Kaminuza nk’iya Mudende, iy’u Rwanda, n’ikigo cy’igihugu gishinzwe guteza imbere ubumenyingiro kuko nabo bigisha ICT, twasanze badahuza ibyo bigisha mu nteganyanyigisho, usanga bigisha ICT muri rusange, ariko ishyirwa mu bikorwa ry’iyo ICT ugasanga ritaganisha hamwe abanyarwanda’’.

Abagize komisiyo ya sena basabye ko hashyirwaho integanyanyigisho ihuriweho muri za kaminuza ku buryo abanyeshuri bajya bagira ubwo bumenyi bw’ibanze kaminuza mpuzamahanga zihora zivuga ko budahari mu banyarwanda.

Perezida wa Komisiyo y’iterambere ry’ubukungu n’imari muri Sena Muhongayire Jacqueline avuga ko bikenewe ko Leta igira icyo ikora kugira ngo hashyirweho ubumenyi bw’ibanze ku buryo umunyeshuri usoje amasomo muri izo kaminuza yaba afite.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE