2017-06-25 09:02:18 clouds 27o High | Kigali Rwanda

Dukurikire:
 
 

Sen. Tito yahumurije abarokotse Jenoside muri UNILAK

Yanditswe na IMVAHO NSHYA

Kuya 2017-04-28 10:05:13

 
Share on:
 
Yasuwe:439
 
Yavuzweho:200
 
10
 
10

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside.

Senateri Dr. Tito Rutaremara wari umushyitsi mukuru muri uyu muhango yagarutse ku mateka y’urwango rwacengejwe igihe kirekire mu bana b’u Rwanda aho batojwe ko nta sano bafitanye, agaruka ku bukana bukabije Jenoside yakorewe Abatutsi yateguranywe ikanakoranwa ubunyamaswa.

Yahumurije abarokotse Jenoside anabasaba gukomeza gutwaza gitwari ,agira ati “Muhumure mufite igihugu kibakunda, cyiteguye kubarinda no kubarengera. Jenoside ntizongera kubaho ukundi.”

Sen. Dr. Tito Rutaremara acana urumuri rw'icyizere

Umuyobozi wa UNILAK Dr. Ngamije Jean yibukije abanyeshuri ko ari urumuri rugomba kumurika no kwamagana ikibi icyo aricyo cyose. Ati “Mwibuke ko muri urumuri, kandi akamaro karwo ni ukumurika. Muri intore kandi intore ntimwara. Mwige mumenye amateka y’icyateye ikibi mumenye n’uko mwagikumira. Muharanire kubaka igihugu no gusigasira ibyagezweho.”

Abanyeshuri ba UNILAK beretswe ibimenyetso ko ingengabitekerezo ya Jenoside ikiriho ndetse bahabwa ubutumwa bwo gukomeza kuyirwanya no kuyitunga agatoki kugira ngo abo igaragayeho bahanwe haba ku ishuri ndetse no mu miryango bakomokamo.

JPEG - 214.6 kb
Dr. Gasanabo muri CNLG

Dr Gasanabo Jean Damascene, Umuyobozi muri Komisiyo ishinzwe kurwanya Jenoside “Intego yanyu ibe ko Jenoside itazongera kubaho ukundi mukiri kuri iyi si. Mwunge mu ryo Nyakubahwa Perezida wa Republika Paul Kagame yavuze ko Jenoside idashobora kongera kubaho ukundi akiri muri ubu buzima.”

UNILAK yashinzwe mu mwaka wa 1997 nyuma gato ya Jenoside yakorewe Abatutsi. Nubwo nta bakozi cyangwa abanyeshuri bayo bayiguyemo mu gihe cya Jenoside, biri mu muco wayo ko buri mwaka yifatanya n’abanyarwanda kwibuka Jenoside yakorewe Abatutsi.

JPEG - 423.6 kb
Abanyeshuri ba UNILAK mu rugendo rwo kwibuka rwabanjirije umuhango.
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE