Advertisement
 
 
 
 
 
 
 
 

Amakuru | Mu Rwanda

Rwamagana: Abakozi bo mu rugo barimo abarangije amashuri yisumbuye   

  Yanditswe na HAKIZIMANA YUSSUF
 3 June

 
 

Umubare munini w’abakora akazi ko mu rugo mu karere ka Rwamagana ntibarangije amashuri abanza, kandi bakora akazi kavunanye nk’uko byagaragajwe n’ubushakashatsi.

Ubu bushakashatsi bwakorewe ku bakozi bo mu rugo bo mu karere ka Rwamagana mu mirenge ya Gishari, Muhazi na Kigabiro, bukorwa ku bufatanye bw’ikigo cy’igihugu gishinzwe imiyoborere n’ishami ry’umuryango w’abibumbye rishinzwe iterambere (PNUD).

Ibyavuye muri ubu bushakashatsi bigaragaza ko 39% b’ababajijwe batarangije amashuri abanza, 37.7% barangije amashuri abanza ntibakomeza, 4.4% barangije icyiciro rusange gusa, naho 8.2% bacikishirije icyiciro rusange.

Muri ubu bushakashatsi kandi byagaragaye ko 1.3% barangije amashuri yisumbuye, gusa ku rundi ruhande 9.4% ntibigeze bakandagira mu ishuri.

Irambeshya Albert, ukuriye abakoze ubu bushakashatsi yemeza ko iki kibazo gihangayikishije.Yagize ati “Ikigaragara ni uko abenshi muri bo baba barataye ishuri bakaza gushaka akazi ko mu rugo, usanga ari ibintu bibangamiye politike ya leta y’uko umwana wese akwiye kujya mu ishuri.

Turasaba ko ubuyobozi bw’inzego z’ibanze zafasha zikareba aba bana bataye ishuri bakaza gukora akazi ko mu rugo bagasubira mu ishuri kugira ngo nabo bagire bwa bumenyi bwa ngombwa.”

Imibare igaragaza ko abana bakora akazi ko mu rugo abenshi ari abakobwa, kuko 63.5% by’abajijwe ari abakobwa naho 36.5% akaba ari abahungu, ariko muri aba ntihabazwe abana b’abahungu usanga bakora akazi ko mu rugo kihariye nko kuragira, guhinga n’ibindi.

Kugeza ubu hari gahunda yo gukura bana mu mihanda ndetse bakaba basubizwa mu ishuri, ariko nta gahunda yihariye irashyirwaho kuri aba bana bakora mu rugo nabo bagikenewe kurerwa nk’uko byatangajwe n’umwe mu baturage bo mu karere ka Rwamagana witwa Nsanzumuhire Eric.

Iyi mibare kandi igaragaza ko umubare munini w’abakora aka kazi uri hagti y’imyaka 16 n’imyaka 20, dore uko imibare ibigaragaza 56% bari hagati y’imyaka 16 na 20, 24% bari hagati ya 21 na 25, 9.4% bari hagati ya 26 na 30 naho 4.4% bari hagati ya 31 na 35 abandi basigaye bari hejuru.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.