Advertisement
 
 
 
 
 
 
 
 

Amakuru | Mu Rwanda

Rutsiro: Abakuwe mu ishyamba barataka guhezwa kuri gahunda za Leta   

  Yanditswe na Iyaremye Yves
 May 2016

 
 

Imiryango 180 y’abasigajwe inyuma n’amateka bakuwe mu ishyamba rya Gishwati bakaza gutuzwa mu midugudu ya Ngoma na Kaje mu murenge wa Nyabirasi Akarere ka Rutsiro, bavuga ko bakibayeho nabi kuko bahejwe kuri zimwe muri gahunda za Leta zigenerwa abatishoboye.

Aba baturage bavuga ko batishimira uburyo bakomeza gushyirwa mu gatebo kamwe n’abantu bafite ibitekerezo bike bigatuma bahezwa muri hagunda zose zireba abanyarwanda kandi aho batujwe nta n’amasambu bahafite.

Urugero batanga ni nko muri VUP aho bavuga ko bemererwa gusa kugira uruhare ku inkunga y’ingoboka no gukora ku mirimo rusange, byagera ku nguzanyo yagenewe gufasha abaturage kwiteza imbere bagakumirwa.

Serushago umwe muri bo yagize ati “Batwubakiye ariko ntabwo inzu baduhaye tuzibayemo neza kuko ni nto cyane… Dutekereza kwihangira imirimo twajya kuguza ngo twe ntabwo bishoboka kandi turi Abanyarwanda.”

JPEG - 175.4 kb
Bamwe mu basigaje inyuma n’amateka banyotewe no gufashwa kwikura mu bukene bakagira uruhare mu iterambere ry’igihugu

Ibindi bituma baheraho bemeza ko gahunda za leta zimwe zitabageraho harimo kuba iyi miryango 180 itujwe mu nzu 24 gusa, abahawe inka muri gahunda ya Girinka bakaba batatu, naho abahabwa mafaranga ya VUP bon go ni bane gusa.

Undi muturage yagize ati “Nta masambu dufite yo guhingamo kuko nta byo kurya bihagije rero ni yo mpamvu indamutso yacu ari inzara.”

Butasi Jean Herman Umuyobozi w’Akarere ka Rutsiro wungirije ushinzwe imibereho myiza y’abaturage avuga ko ikibazo cy’abasigajwe inyuma n’amateka kiri mu byo aka karere gafite mu byihutirwa kandi hari ingamba zafashwe.

Ati “Ni Abanyarwanda nk’abandi kandi gahunda zose zirabareba, twabanje kubigisha kuko ashobora kujya kuguza amafaranga na we atazi icyo agiye kuyakoresha; ni yo mpamvu tugenda tubanza kubigisha.”

Aba baturage babona kubitaho by’umwihariko byabafasha kwiteza imbere bakareka gukomeza kwitwa abatishoboye bo mu cyiciro cya mbere, ahubwo nab o bagatanga umusanzu mu kubaka igihugu.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.