Advertisement
 
 
 
 
 
 
 
 

Amakuru | Mu Rwanda

Rusizi: Min. Nsengimana yatunguwe no gusanga biga mudasobwa mu magambo gusa   

  Yanditswe na BAHUWIYONGERA SYLVESTRE
 3 months ago

 
 

Minisitiri w’Urubyiruko, ikoranabuhanga n’isakazabumenyi Jean Philbert Nsengimana, yatunguwe no kumva ko hari bimwe mu bigo by’amashuri byigisha ikoranabuhanga mu magambo gusa, aho umwana aba yiga mu mashuri yisumbuye atarabona mudasobwa.

Mu ruzinduko aherutse kugirira mu karere ka Rusizi, Minisitiri Nsengimana yasanze hari ibigo by’amashuri bitagira mudasobwa n’imwe, aho usanga bayiga mu magambo gusa ntawe urayica iryera.

Uwamahoro Jeannette, wiga mu rwunge rw’amashuri rwa Mwegera, mu murenge wa Gikundamvura, mu mwaka wa 2 w’amashuri yisumbuye, yahamije ko batarabona mudasobwa, kuko ku kigo cyabo ntayihaba, ndetse ngo no mu barimu bose ntawe uyitunze.

Yagize ati “Twiga ICT mu magambo (Théorie) gusa kandi abenshi muri twe ntiturabona mudasobwa mu maso, kuko n’abarimu bacu nta n’umwe uyigira, no mu biro bya diregiteri ntayibamo byose abikoresha intoki.

N’iyo hari igikeneye amafaranga ushinzwe umutungo ateranyisha akamashini gasanzwe akandikisha intoki, ariko amakayi yacu yuzuyemo ibyo tutazi, kuko kumbwira ngo ukirika (Click) suri hano kandi n’iyo suri ntarayibona, ntacyo nunguka na gato.”

JPEG - 312.1 kb
Minisitiri w’urubyiruko, ikoranabuhanga n’isakazabumenyi Jean Philbert Nsengimana (Foto archive)

Yakomeje agira ati “Twasabaga ko baduha nibura mudasobwa imwe gusa tukabanza tukayitegereza, noneho bakayitwigisha tunayizi, ariko kwiga mu magambo ibyo tutazi nta cyo bitumarira.”

Nyirashumbusho Angélique wiga mu rwunge rw’amashuri rwa Mashesha mu murenge wa Gitambi, na we yagize ati “Hari igihe abanyeshuri 30 bahagarara iruhande rwa mudasobwa imwe, kuyikoraho bikaba ari amahirwe, urumva ko abakobwa bo mu cyaro ntacyo tuzi ku ikoranabuhanga.”

Minisitiri Nsengimana yavuze ko bitumvikana uburyo ikigo cy’ishuri kitagira mudasobwa kandi hari mudasobwa zikorerwa mu Rwanda, yizeza abanyeshuri ko uyu mwaka w’ingengo y’imari uzajya kurangira buri shuri ryo mu karere ka Rusizi rifite mudasobwa abana bashobora kwigiraho.

Yagize ati “Nta mpamvu n’imwe, usibye kurangara njye ni ko nabyita, nta mpamvu n’imwe yatuma ishuri uyu munsi ryigisha umwana akiga imyaka 6 y’amashuri yisumbuye akarinda arangiza atarakora kuri mudasobwa.

Hari ruriya ruganda Nyakubahwa Perezida wa Repubulika yazanye kugira ngo rukore mudasobwa mu Rwanda, amashuri abe ari yo ya mbere abona mudasobwa. Hashyizweho n’uburyo bw’uko ishuri ridafite amikoro uwo mwanya rishobora kubona mudasobwa zikishyurwa mu gihe gito.”

Minisitiri Nsengimana yavuze ko hazakorwa ibishoboka byose buri munyeshuri akegerezwa ibikoresho by’ikoranabuhanga n’ahatari amashanyarazi hagakoreshwa imirasire y’izuba, ariko abana ntibige ikoranabuhanga mu magambo kandi mu gihugu hakorerwa mudasobwa.

Abana baganiriye n’Imvaho Nshya bashimishijwe cyane n’iki cyemezo, bavuga ko igihe zizaba zabagezeho bazakataza mu ikoranabuhanga.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Iby’ubusa ntibiramba- Minisitiri Kaboneka
Iby’ubusa ntibiramba- Minisitiri Kaboneka

Minisitiri w’Ubutegetsi bw’Igihugu Francis Kaboneka, yasabye urubyiruko kutirukira gukira vuba mu byo batavunikiye, bakirinda iby’ubusa kuko ubutunzi umuntu ageraho atabukoreye butaramba. Ubwo (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.