Advertisement
 
 
 
 
 
 
 
 

Amakuru | Mu Rwanda

Rusizi: Imirenge 8 imaze amezi asaga 4 itagira ba Gitifu   

  Yanditswe na BAHUWIYONGERA SYLVESTRE
 22 March

 
 

Abaturage bo mu mirenge yo mu karere ka Rusizi idafite abanyamabanga Nshingwabikorwa (Gitifu), bakomeje kwibaza impamvu abavuyeho badasimburwa, kuko ngo kubaho badafite umuyobozi w’umurenge hari aho bibadindiza.

Amezi abaye 4 abanyamabanga Nshingwabikorwa b’imirenge 7 kuri 18 igize akarere ka Rusizi beguye, bakaba baraje basanga umurenge wa Rwimbogo na wo ugiye kumara imyaka 3 utagira Umunyamabanga Nshingwabikorwa.

Imirenge itagira abanyamabanga Nshingwabikorwa ni Rwimbogo, Mururu, Gashonga, Nkungu, Nkombo, Butare, Gikundamvura na Nyakabuye.
Iyi mirenge yose ikaba iyoborwa by’agateganyo n’abashinzwe irangamimirere n’ibibazo by’abaturage, abaturage bakibaza ukuntu hashira igihe kingana gityo, umuyobozi akora inshingano z’undi, kandi no mu mwanya we nta wundi muntu bashyizemo bafasha abaturage.

JPEG - 462.7 kb
Aba ni bamwe mu baturage bo mu murenge wa Nkungu basaba ko bahabwa Gitifu (Foto Bahuwiyongera S)

Hitimana Paul, utuye mu murenge wa Rwimbogo yabwiye Imvaho Nshya ati:“Kumara imyaka 3 tutagira umunyamabanga nshingwabikorwa niba hari ibyadindiye bizabazwa nde?

Kugeza ubu abaturage ntitwumva impamvu tudahabwa abayobozi kandi ubona abayobozi ku karere ntacyo bibabwiye, nta n’inama badukoresha ngo basubize iki kibazo dufite, tukibaza nib anta nyungu bafite mu kutwima abayobozi.”

Undi muturage wo mu murenge wa Butare na we yagize ati:“Tumaze igihe mu bwigunge bukabije bwo kutagira imihanda myiza, n’amashanyarazi akaba hake n’ibindi dukenera, ariko uwagombye kubitubariza cyangwa kubazwa impamvu bidahari ntawe.

None se umuntu umwe azakora imyanya 2 bigende kimwe n’ahari abayobozi 2? Dukeneye ibisobanuro kandi Nyakubahwa Perezida wa Repubulika aravuga ngo tujye tubaza abayobozi impamvu batudindiza, natwe nibadusobanurire impamvu bataduha abatuyobora mu mirenge.”

Umunyamabanga Nshingwabikorwa w’aka karere Mushimiyimana Ephrem, avuga ko koko ibyo abaturage bavuga ari byo, hari abamaze imyaka 3, abandi amezi 4 batabona abayobozi, ariko ngo ibizamini byanditse byarakozwe, gusa ko byadindijwe no kuba hari abatarishimiye uko byakosowe barajurira kandi bamwe ngo basanze bafite ishingiro.

Yagize ati:“Natwe biratudindiza mu iterambere kuko umuntu ukora asimbura si kimwe n’ukora mu mwanya we kandi uzi umuvuduko kino gihugu kigenderaho.

RALGA yari yubahirije amategeko itanga ibizamini ku gihe ariko ayo makosa yabayemo ni yo yabidindije, tukaba natwe dusaba RALGA kubyihutisha.”

Uretse umurenge wa Rwimbogo wayoborwaga na Kankindi Léoncie wari wazamuwe mu ntera akagirwa umuyobozi w’Akarere wungirije ushinzwe iterambere ry’ubukungu, akaba yaranongeye kugirirwa icyizere, abandi bo bari beguye nyuma y’aho hagaragariye imicungire mibi ya VUP, bagakekwa kuyigiramo uruhare.

 

Comments

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.