2017-10-16 07:05:01 clouds 27o High | Kigali Rwanda

Dukurikire:
 
 

RURA yahembye umumotari washyikirije Polisi frw y’umugenzi asaga miliyoni 5

Yanditswe na IMVAHO NSHYA

Kuya 2017-08-01 12:55:00

 
Share on:
 
Yasuwe:33
 
Yavuzweho:200
 
10
 
10

Urwego Ngenzuramikorere rw’Imirimo imwe n’imwe ifitiye igihugu akamaro, (RURA) rwahaye igihembo umumotari witwa Ndayiramije Donat wagaragaje ubunyangamugayo ashyikiriza Polisi amafaranga angana na 5 200 000 umugenzi yari yataye, ubwo yari akoze impanuka.

Uwo mumotari akaba yahembwe moto ifite ibyangombwa byuzuye ifite agaciro k’amafaranga y’u Rwanda miliyoni n’igice (1.500.000 Frw). Icyo gikorwa cyo kumushyikiriza icyo gihembo kikaba cyarabaye ejo hashize tariki 31 Nyakanga 2017.

Umuvugizi w’Urwego Ngenzuramikorere rw’Imirimo imwe n’imwe ifitiye igihugu akamaro, Tony Kuramba yabwiye itangazamakuru impamvu bahembye uyu mu motari.

Yasobanuye ko uyu mumotari yagize ikibazo cy’impanuka ahetse umugenzi wari ufite amafaranga 5 250 000 y’u Rwanda, agakora ibishoboka agatabariza uwo yari atwaye wakomeretse, akajyanwa kwa muganga ariko uwo mugenzi akahasiga ayo mafaranga.

Ati “Uyu mu motari amaze gutabariza umurwayi akajyanwa kwa muganga ariko agasiga ayo mafaranga, umumotari yarayacunze ntiyakuraho n’ifaranga na rimwe ahita abimenyesha Polisi nyuma ayo mafaranga bayashyikiriza uwo murwayi kwa muganga.”

JPEG - 272.9 kb
Ndayiramije, ubwo yari amaze gushyikirizwa moto yagenewe na RURA (Foto: Gisubizo)

Icyo gikorwa cyo gushyikiriza amafaranga y’umugenzi Polisi, RURA igifata nk’igikorwa cyiza kigaragaza ubumuntu, ubunyangamugayo, ubunyamwuga, guha agaciro umugenzi kurinda ibye nka bimwe mu byo abatwara abagenzi bahora bahamagarirwa buri munsi.

Tony Kuramba yakomeje agira ati “Iki ni igikorwa cyo gushima, inzego dukorana na twe nka RURA twamushimiye tukaba twamugeneye moto nshya ifite agaciro ka miliyoni n’igice ifite n’ibyangombwa byose.”
Iki gihembo kikaba ari kimenyetso cy’uko RURA yishimira abakora umwuga wo gutwara abantu bitwara neza n’abandi bakorana muri rusange.

Ndayiramije Donat umumotari wahawe igihembo ukorera uyu mwuga mu mujyi wa Kigali yavuze ko yishimiye igihembo yahawe kuko agifata nk’inkunga ikomeye RURA yamugeneye.

Avuga ko nta moto yari asanganywe, ariko iyi nkunga ahawe ikaba igiye gutuma yiteza imbere.

Gusubiza amafaranga umugenzi yavuze ko byashingiye ku kuba yaragize umutima wa kimuntu.

Ati “Kuba umuntu akoze impanuka umwe agahaguruka ari muzima, undi agakomereka harimo ibintu umuntu akwiye gutekereza nk’umuntu”.

Ikindi abishingira kuba inzego zibakuriye zihora zibakangurira kugira ubumuntu kandi ko amahanga ataza kwigira mu Rwanda ku buyobozi bwiza, ngo nabo nk’abaturage bateshe agaciro ibyo byiza bafite.

Yagiriye inama abamotari bagenzi be ko bakwiye kubaha akazi no kubaha abagenzi kuko baba ari abakoresha babo, ikibazo cyaba mu nzira ntibabe batererana abagenzi.

UWIMANA DONATA

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE