2017-06-24 12:54:56 clouds 27o High | Kigali Rwanda

Dukurikire:
 
 

Rulindo: Imodoka ifite ibirango bya gisirikare yarenze umuhanda ihitana 2

Yanditswe na Claude Ntawitonda

Kuya 2016-06-01 19:28:41

 
Share on:
 
Yasuwe:11
 
Yavuzweho:200
 
10
 
10

Imodoka nto ifite ibirango (plaque za RDF) bya gisirikare yavaga i Kigali yerekeza i Musanze yakoze impanuka ihitana babiri, abandi babiri barakomereka bikabije bakaba barimo gukurikiranwa n’abaganga ku Bitaro bya Kanombe.

Bivugwa ko abishwe n’iyi mpanuka yabereye mu murenge wa Bushoke Akarere ka Rulindo, bashizemo umwuka bagejejwe ku bitaro bya Nemba biherereye muri aka karere.

Iyi modoka ya gisirikare ifite plaque RDF 016N yarimo abagabo babiri, n’abagore babiri bahise bitaba Imana bakigezwa aku bitaro bya Nemba.

JPEG - 104.7 kb
Imodoka yangiritse cyane nyuma yo kurenga umuhanda

Umuvugizi w’Ishami rya Polisi rishinzwe umutekano wo mu muhanda, Supt. Jean Mari Vianey Ndushabandi yabwiye umunyamakuru wa Imvaho Nshya ko iyi mpanuka yabaye saa kumi n’igice zo kuri uyu wa kabiri, ubwo imodoka yarengaga umuhanda.

Yakomeje avuga ko iyi mpanuka bikekwa ko yatewe n’umuvuduko ukabije, ati “Iyi mpanuka yatewe n’umuvuduko ukabije iyi modoka yari ifite kuko kurenga umuhanda byatewe n’uko yananiye uwari uyitwaye."

Akomeza asaba abatwara ibinyabiziga kubahiriza amategeko y’umuhanda bakamenya aho batwarira n’uko hameze bagendeya ku bimenyetso byo ku mihanda, cyane cyane birinda umuvuduko ukabije kuko ari wo ntandaro y’impanuka nyinshi zivugwa mu muhanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE