2017-08-21 15:16:56 clouds 27o High | Kigali Rwanda

Dukurikire:
 
 

Ruhunda: Perezida Kagame yatashye umushinga w’urwunge rw’ibikorwa by’iterambere

Yanditswe na IMVAHO NSHYA

Kuya 2016-06-13 15:55:53

 
Share on:
 
Yasuwe:2
 
Yavuzweho:200
 
10
 
10

Perezida Kagame yatangije umushinga w’urwunge rw’ibikorwa bifasha abaturage kugera ku iterambere ’Ekocenter’ Perezida Kagame I Ruhunda mu karere ka Rwamagana kuri uyu wa 13 Kamena 2016.

Mu ijambo yagejeje ku baturage yabasabye kubyaza umusaruro ibikorwa by’uwo mushinga.

Ati “Nejejwe no kuba ndi kumwe na mwe uyu munsi, mu gutangiza uyu mushinga w’ingirakamaro. Ni na byiza kubikora turi kumwe n’inshuti yacu, Muhtar Kent, uri mu ruzinduko rwe rwa mbere mu Rwanda.

Hashimye n’ibikorwa by’ingirakamaro bya Coca-Cola muri Bralirwa, mu gushyigikira no guteza imbere imibereho myiza y’abaturage n’iterambere ry’igihugu .

Perezida yashimangiye ko Leta yonyine itabasha kugera ku ntego z’iterambere rirambye cyane cyane kurandura ubukene, nta bufatanye bwa Leta nabo bavuzwe.

Ati “Ibintu bitangijwe ahangaha bigaragaza ko imibereho myiza y’abaturage itureba twese. Dukoreye hamwe n’andi masosiyete, Leta, imiryango itagengwa na Leta na cyane cyane abaturage ubwabo buri wese abona inyungu.”
Yongeyeho ko ibikorwa nk’ibyi biganisha muri gahunda z’iterambere rirambye Isi yose ishishikariye.

Ati “Izi ntego ntizizagerwaho na Leta gusa, hariho ubufatanye, guca ubukene byakoroha. “Baturage ba Ruhunda, nagira ngo mbasabe gukoresha neza ibi bikorwa bishya, kugira ngo bibafashe kugera ku ntego mwiyemeje. Mubifate neza kugira ngo bizarambe, kandi n’inyungu zibiturukaho zizabagirire akamaro ubwanyu, ndetse n’abazaza nyuma yanyu”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE