2017-07-22 13:49:51 clouds 27o High | Kigali Rwanda

Dukurikire:
 
 

Ruhango: Imibiri isaga 20 000 igiye kwimurirwa mu rwibutso rushya

Yanditswe na IMVAHO NSHYA

Kuya 2016-04-12 11:55:18

 
Share on:
 
Yasuwe:3
 
Yavuzweho:200
 
10
 
10

Mu karere Ruhango hatangijwe igikorwa cyo kwimura imibiri ishyinguye mu rwibutso rwa Jenoside rw’umurenge wa Ruhango ruherereye mu kagali ka Nyamagana kugira ngo ishyingurwe mu rwibutso rushya kandi rujyanye n’igihe.

Abarokotse Jenoside yakorewe Abatutsi muri 1994 bo mu Karere ka Ruhango, barashima Leta y’u Rwanda idahwema gukora ibishoboka ngo ihe abazize Jenoside icyubahiro kibakwiye.

Padiri Nsengimana Emile ni umwe biciwe abe muri Jenoside yakorewe abatutsi mu mwaka wa 1994, kandi akaba afite abashyinguwe muri urwo rwibutso.

Yagize ati “kwimurira iyi mibiri mu rwibutso rujyanye n’igihe ni ikintu gikomeye ku barokotse Jenoside. Ni ibyishimo bikomeye kuri twebwe kuba uru rwibutso bagiye kurwimurirwamo, bakajya bahabwa icyubahiro bakwiriye. Numva rero ari ikintu cyiza gikomeye kuri twebwe nk’abarokotse Jenoside yakorewe abatutsi ba hano mu Ruhango”.

JPEG - 43.1 kb
Urwibutso rwa Jenoside rushya ruherereye mu karere ka Nyamagana

Uwurukundo Géneviève we yongeraho ko biteguye gukora uko bashoboye kugira ngo iki gikorwa kirangire, kandi agasaba Imana ngo kirangire neza.

Urwibutso rushya rw’umurenge wa Ruhango rwuzuye rutwaye amafaranga y’u Rwanda agera kuri miliyoni 108. Biteganywa ko ruzashyingurwamo imibiri ibihumbi 50. Rubaye urwibutso rwa kabiri rw’Akarere nyuma y’urwa Kinazi rumaze gushyingurwamo imibiri isaga ibihumbi 60 y’abatutsi bazize Jenoside bo mu cyahoze ari Komini Ntongwe.

Kwimura imibiri bizakomereza ku rwibutso rw’i Muyange, n’urw’i Kigoma mu Murenge wa Ruhango. Nyuma yo kuyikura aho ishyinguye ubu, hakurikiraho kuyisukura, gushyingura bikazakorwa tariki ya 19 Kamena 2016.

Umuyobozi w’Akarere ka Ruhango, Mbabazi François Xavier, yasabye abaturage kwitabira igikorwa cyo kwimura iyo mibiri, kugira ngo kirangire neza kandi mu buryo bukwiye. Arabasaba kandi gukomeza gufata mu mugongo abarokotse Jenoside yakorewe abatutsi mu mwaka wa 1994.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE