Advertisement
 
 
 
 
 
 
 
 

Amakuru | Mu Rwanda

Rubavu yatahuwemo ruswa nyinshi mu nzego z’ibanze   

  Yanditswe na IYAREMYE YVES
 5 months ago

 
 

Ubushakashatsi bwakozwe n’ Umuryango urwanya ruswa n’akarengane (Transparency International Rwanda/ TI-Rwanda) bwatunze agaatoki akarere ka Rubavu kuba kagaragaramo ruswa nyinshi mu nzego z’ibanze kuko iri ku gipimo cya 22.7% mu gihe ku rwego rw’igihugu igeze kuri 15.5%.

Ubu bushakashatsi bakorewe mu turere dutandatu ari two Rubavu, Kamonyi, Huye, Nyamagabe, Kayonza na Musanze aho TI-Rwanda abaturage basubije bashyira ibisubizo mu Gasanduku k’Ibitekerezo kuva mu kwezi kwa Gicurasi kugeza mu kwezi kwa Nyakanga 2016.

Umurungi Francine Umuyobozi muri TI Rwanda ushinzwe iterambere n’ubuvugizi yemeza ko umurenge wa Kanama uza kwi isonga mu mirenge 6 bakoreyemo mu karere ka Rubavu, ukanaba uwa mbere mu mirenge 922 mu gihugu aho uyu muryango mpuzamahanga urwanya ruswa n’akarengane ukorera.

JPEG - 276.7 kb
Umurungi Francine yemeje ko Akarere ka Rubavu kitwara nabi mu mitangire ya serivisi kubera ruswa

Aragira ati “Twarebye serivisei zitangwa mu nzego z’ibanze, twibanze ku zitangwa n’ibisabwa, igihe bitwara n’ibikorwa. Raporo yagaragaje ko amafaranga asabwa kuri buri serevisi n’igihe bitwara akarere kaza imbere muri byose ugereranyije n’ahandi imibare iri hejuru, wagera no kuri ruswa ugasanga iraza ku isonga.”

Yakomeje asobanura ubwoko butandukanye bwa ruswa igaragara ati “Hari ubwoko bwinshi bwa ruswa bwagaragaye ko bukoreshwa harimo amafaranga atangwa ku kigero cya 59.4%, ikarita ya telephone, kwifashisha abandi, ruswa ishingiye ku gitsina ndese no gukora akazi mbere yo gufashwa. Ubwo rero dukurikije inzego zirya ruswa kurushya izindi ku isonga haza ku rwego rw’umudugudu ku kigereranyo cya 51.4%, imisoro, abagoronome, ubuyobozi bwose bw’umurenge; urwego rurya ruswa gake ari noteri w’umurenge kuri 3.8%.”

JPEG - 404.3 kb
Abayobozi b’inzego z’ibanze bateze amatwi uko imibare yifashe

Mu karere hose gutanga ruswa ku byangombwa by’ubutaka ngo biri kuri 54.8%, gukemura ibibazo 36.4%, gutwara ibintu birimo imbaho, guhabwa ibyangombwa, kwandikisha abana bavutse bibarirwa kuri 4.0% n’ibindi.

Umunyamabanga Nshingwabikorwa w’Umurenge wa Kanama Haguma Pascal, yemeje ko hari rusa mu murenge ayoboye ariko bakomeje guhangana na yo ngo icike burundu.

Yagize ati “Icyabiteye cyane n’uko kuva umwaka watangira umurenge nyoboye wasimburanyije abayobozi inshuro eshanu kuba nta muyobozi wumva yisanga ngo ashikame ni ikibazo.

Yakomeje avuga ko mu buyobozi bwe akomeje guhangana n’umuco winjiye mu baturage wo gushaka ‘gushimira abayobozi babafashije’.

JPEG - 350.8 kb
Haguma Pascal, Umunyamabanga Nshingwabikorwa w’Umurenge wa Kanama yagaye abaturage bihengekana abayobozi babafashije bakabashimira
 

Comments

 
 
Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Polisi yafashe batandatu bacuruza ibiyobyabwenge mu turere dutandukanye
Polisi yafashe batandatu bacuruza ibiyobyabwenge mu turere dutandukanye

Mu gihe Polisi y’u Rwanda ikomeje imikwabu yo gufata no guhana abacuruza n’abinjiza ibiyobyabwenge mu Rwanda, kuri uyu wa mbere tariki ya 13 Werurwe yafashe abantu 6, ibafatira mu turere twa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.