2017-07-23 11:30:24 clouds 27o High | Kigali Rwanda

Dukurikire:
 
 

Rubavu: Yasubijwe imitungo yari yigaruriwe n’abantu barimo n’umupolisi

Yanditswe na IMVAHO NSHYA

Kuya 2016-04-14 16:11:41

 
Share on:
 
Yasuwe:8
 
Yavuzweho:200
 
10
 
10

Nyuma y’ibirego yikirego Dusabimana Claudine warikotse Jenoside yakorewe Abatutsi mu 1994 mu karere ka Rutsiro, ubuyobozi bwa Polisi mu Ntara y’Iburengerazuba bwamufshije gusubirana imitungo ye irimo n’amafaranga.

Umuvugizi wa Polisi y’u Rwanda, ACP Celestin Twahirwa yavuze ko Dusabimana usigaye atuye mu Karere ka Rubavu yagejeje ikirego cye kuri Polisi asaba fashwa hagaruzwa imitungo ye yigabijwe n’abandi bantu, barimo n’umupolisi witwa IP Alex Bwanashyamba, ari nawe wamureraga.

ACP Twahirwa agira ati “Yareze ko uyu mupolisi yamwambuye amafaranga y’u Rwanda ibihumbi 350 akaba yari yarayakiriye mu izina rye yishyuwe nk’indishyi zishingiye ku cyemezo cy’Urukiko Gacaca.”

Yakomeje agira ati “Polisi y’u Rwanda yashubije Dusabimana amafaranga ye kandi ihana uyu mupolisi ku myitwarire yagize muri iki kibazo, n’ubu aracyakurikiranwa.”

Polisi y’u Rwanda n’akarere ka Rubavu ari nako atuyemo, bafatiye hamwe icyemezo cyo kuba ashakiwe aho icumbi “Kuri ubu, azakodesherezwa inzu we n’abana be babiri kugeza igihe bazubakirwa inzu ngo ikibazo cy’icumbi rye gikemuke burundu.”

Polisi irimo gukorana n’akarere ka Rutsiro akomokamo, Ibuka n’izindi nzego bireba ngo hagaruzwe indi mitungo avuga ko irimo n’ubutaka.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE